كورسات اسبوعية للعناية بجسمك

وصفة التقشير:
ربع كيلو ترمس مطحون
نص كيس ملح خشن
نص كيس سكر
كيس ملح الحليب
تخلطيهم
والمقادير دي كلها تتحط فبرطمان ولما تعوزي منها تاخدى 4 معالق بالظبط
ازازة ماء ورد لغلق المسام
وصفة التنعيم والترطيب:
نص ازازة جلسرين سائل
نص كوباية زيت زيتون
نص كوباية زيت لوز
والمقادير دي كلها تتحط فازازة او فيه ازازة جلسرين من الى فيها بلية بتلف عشان تحطي الوصفة بسهولة على جسمك

وصفة التعطير:
هتجيبي ازازة صغيرة من زيت الورد من عند العطاروتفضي نصها على الوصفة الى فاتت

وترجي المقادير كلها مع بعض

تعالى اقلك هنعمل اى:
هتشطفى جسمك الاول بمية سخنة حسب ما تتحملي عشان المسام تتفتح
تجيبي اربع معالق من وصفة التقشير وتفرديهم على جسمك وتستني خمس دقايق وابداى افركي جسمك كله فحركات دائرية واشطفى جسمك بماء فاتر

وهاتي بخاخة فيها مية ورد ورشي على جسمك كله

وبعدكده نشفي جسمك شوية يعني يكون مندي وهاتي وصفة التنعيم وادعكي جسمك وخلي جسمك يشرب الوصفة كويس اوى اوي

فى الخمس دقايق الى بعد ما حطينا الترمس هنعمل اى :
1-هنجيب شوية ترمس مطحون ونمشيهم على وشنا وندعكه بالراحة ونشطف وشنا مع جسمنا ونرش عليه مية ورد بردو
2-هنكون محضرين وصفة مكعبات الخيار:
وهى عبارة عن خيارة مضروبة فالخلاط مع مية غليناها وسبناها تبر اومية معدنية وحطناها فالعلبة بتاعة التلج الى فى الفريزر
ونمشي مكعب التلج الى هو عبارة عن عصير خيار فحركات دائرية والوصفة دي هتخلصنا من الهالات السودا والبقع الغامقة ومشاكل الافرازات الدهنية فى البشرة
3-هتدعكي كعب رجلك وركبتك وكوعك بملح خشن وليمونة وتشطفيهم
وكده يبقى خلصنا جسمنا ووشنا فربع ساعة او تلت ساعة

هتخرجي من الحمام
تنشفى شعرك بالسشواروتلفيه وبعد ما تفكيه هتدهني شعرك كريم بالمرز بتاع المكوا بس حتة صغيرة تمسحي بيها على شعرك كله

الكورس الاسبوعي رقم 2

بسييييييييييييييييييييييييييييييط جدااااااااااااااااااااااااااااااااا وسهل ومش بياخد وقت ابدا

هنعمل سكرب تفتيح وتنضيف للجسم كله بحاجتين اتنين بس
1- 5 معالق بيكربونات صوديوم
2-لمونة واحدة بس ونقسمها

الطريقة:
هتفردي بيكربونات الصوديوم على الجسم ويكون الجسم مبلول
وتدعكي بنص لمونة فحركات دائرية
ادعكي جسمك كله والركب والكوعين وكعب الرجل

هتشطفى جسمك

هتكونى محضرة وصفة الترطيب و التنعيم :
جليسوليد الاحمر وتعصري عليه نص لمونة
وبعد ماتنشفي جسمك تحطي الوصفة

للتعطير:
هتضيفي لوصفة الترطيب 3 معالق زيت لافندر مريح جدا للاعصاب وريحته حلوة
تعملى اى باة فوشك:
هتحضري معلقة واحدة عسل نحلوتفرديها على وشك 5 دقايق وتغسليه وكده هتتخلصي من الحبوب واثارها ده غير انه بيخلى الوش نضر

لما تخرجي من الحمام هتعملى اى بأة

فيه بكر للشعر رول بيعمل الشعر كيرلي هتنشفى شعرك بالسشوار وتلفيه ولما تلفيه هتحطي حبة صغيرين اوى من زيت باراشوات بجوز الهند هيخلي شعرك ريحته جميييييييييييلة اوى

الكورس رقم3

سكرب تقشيروترطيب وتنعيم وتفتيح يعني 4 في 1

المقادير:
نص كيس ملح خشن
نص كيس سكر
وتضيفي عليهم زيت زيتون ويكون المزيج متماسك يعني ميكنش الملح والسكر تايهين فالزيت لانه لو كانو اقل من الزيت يبقى كده مفيش تقشير
باختصار هتحطي نص كوباية زيت زيتون وتخلطي الوصفة كويس

الطريقة :
طبعا قاعدة قبل السكرب لازم الجسم يكون مبلول

تفردي الخلطة على جسمك كله وتتقلي اوي على الركب والكوعين والكعبين واستني 5 دقايق وتفركيه فحركات دائرية
وتشطفى جسمك

هتلاقي نضافةونعومة وااااااااااااااااااااااااضحة جدااااااااااااااا وعلى ضمانتي

للتعطير:
ازازة جونسون للاطفال وتحطي عليها 4 معالق من زيت الياسمين

بالنسبة للوجه:
هتجيبي شوية سكر صغيرين وتدعكى وشك بالراحة اوى
وبعدكده تحطي معلقتين زبادي على معلقة عسل وتسبيهم خمس دقايق وتشطفى وشك
لاغلاق المسام:
تمسحي وشك بقطنةمن ماء الورد
او تمشي على وشك مكعب تلج فحركات دائرية

البلسم ضروري جداااااااااا للشعر لانه بيحافظعلى الشعر ويخليه طري متنسيهوش