كيس بدون جنين + جرثومة المعده + تنضيف رحم = حموت من بدري :( :(

كتبت الموضوع بعد ما دارت بيا الدنيا وماعرفت استشير احد

اتمنى الاقي اجوبه عندكم

انا عمري 19 وبكريه ..

حسبت الحمل من الأسبوع اللي ما جاتني فيه الدوره .. ” اللي المفروض تجيني فيه وما جاتني ”

<— كدا صح؟

انا كانت الدوره عندي منتظمه مرررررررررره من اول ما بلغت .. لحتى بعد الزواج

ولما اتأخرت الدوره عليا اسبوع عرفت اني حامل وحللت تحليل منزلي وبانو خطين واضحييين وحلللت دم وطلع ايجابي

صارلي 8 اسابيع من بعد هاداك الاسبوع

حللت تبع جرثومة القطط بحكم اني اربي قطط كتير من زماااااان وينامو معايا وكل شي ..

وطلع معايا بمعدل مرتفع ..

وعملت سونار ..

وقالولي كيس صغنن بدون جنين ..

المره الاولى ما كنت شاربه مويا كتير .. قلت يمكن عشان كدا ما بان معاهم النونو

المرات اللي بعدها .. شرببببببت مويا كتير ورحت للدكتوره حشرانه .. وبرضو نفس الكلام ..

واخر شي قالولي هوا .. انو بيسوولي تنظيف رحم .. وكل دكتوره تقوللي كدا اشرد من عندها ولا عاد اطب عيادتها تاني

🙁 🙁 🙁

وانا مدري ايش هوا تنضيف الرحم !!!!!

واستحيت اسأل وخففففففت اسأل من الاساس .. 🙁 🙁

حاولت اشرب حااجات تنزل بس ما قدرت كلها مو طعمه .. شربت اكليل الجبل مره معفن ما قدرت اخد جغمتين على بعضها

شربت بقدونس كاستين

بس ما حسيت بشي

ما ابغا اسوي تنضيف ابغاه ينزل طبيعي بحبوب او ابر .. ما اابغا شرابات ماني قادره عليها 🙁

عندي شوية اسئله لكم ..

اول شي الاجهاض كيف يكون آلامه زي آلام الدوره ؟؟ انا آلام دورتي كانت مره قويه لدرجة انو احيانا اروح المستشفى يدوني ابره عشان يهدى

واللي سوت تنضيف او تعرف كيفيته .. بالله تشرحلي الموضوع من طقطق للسلام عليكم ..

مممم وبقولكم شي .. انا مااحب احد يشوف ” المنطقه الحساسه ” ولا حتى من بعيد ولا يلمممممسسسسنييييي ولا شي

الا زوجي :$:$

ولا ابغا احد يدخلي اي اي اي شي من هناك

مدري ايش بسوي فععمري 😀 😆 hy: 😆 🙂 😆 😉 💡

ومشكورين مقدما