عالم البنات النسائي كل ما يخص المرأة العربية من ازياء وجمال والحياة الزوجية والمطبخ
بسم الله الرحمن الرحيم
عصبي
يضرب
متسلط
اي من هذه السلوك الشاذ للطفل
يجب ان يضبط وهو في سن صغيره
تسالون ليه الطفل يعمل ها الحركات
لان الطفل مايعرف قانون العقاب مثل الكبار
الطفل تعود على الدلع والدلال وباعتقاده ان اي تصرف هو بيعمله ماراح يتعاقب عليه
اول 5 سنوات من عمر الطفل هي عجينه في يدك اعجنيها زي ماتبغين
احنا في علم النفس لدينا قاعده لعالم من علماء النفس يقول
اعطني اثنان الاطفال اجعل احدهم طبيبا واحد سارق
وهذا من اساس عمليه التربيه التى يقوم بها الوالدين
الخطوه الاولى :
دور الام والاب
الام لوحدها ماتسوي شي الدور هنا ثنائي لازم الام والاب يشتركون فيه
يعني اعطيكم مثال( ترى بقول لبابا عنك ) حسسيه بوجود الطرف الاخر من الوالدين
وكمان الاب يقول ( ترى ماما بتزعل منك )
الخطوه الثانيه :
تحددين نوع العقاب اللى راح تصرفين مع ابنك عليه
انا احيانا اشوف لمى الطفل يسوي شي غلط تبدى الام تصرخ وتزاعق وتهاوش بعدين تخليه يروح
ولا تعاقبه معاقبه سلوكيه الهواش ليته بهدوء بعد
كله يا … يا …..
الطفل ترى ذاكرته قووووووووويه جدا ولازم تتعاملين معه بذكاء تاااااااام ولا تستهين فيه ابد ابد ابدددددددد
انواع العقابات المطروحه :
انك مثلا تجيبين كرسي وتحطينه في الزوايه وكل ماسوى شي غلط خليه يجلس على الكرسي 5 دقايق
اول مره بيستهبل ثاني مره بينحاش وانتي عاد هنا يجي دورك
انزلي لمستوى طوله يعني لاتكلمينه وانتي واقفه وامسكيه بيدينه وناظري فيه بحزم وقولي ليه بصوت منخفض الى عادي ( ترى هذي مو لعبه هذا المكان اي شي غلط بتسويه بتجلس هنا 5 دقايق )
بعدها بيعي جديه الامر وبيجلس في المكان
بعد ماتنتهي 5 دقايق لازم تشرحين له ليه ارسلتيه لها المكان
لانك سويت مثلا كذا كذا وانا مره زعلت منك وبعدها ضميه وخليه يولي 😆 🙂
الغرض من ها الحوسه كلها
انك تنمين عنه تانيب الضمير والاحساس با المشكله يعني
انك اذا ارسلتيه لها المكان وجلس 5 دقايق الغرض انه يراجع افعاله
طريقه اخرى :
انك تجيبين لوحه وقلم سبوره وتعليقينها على الجدار او باب غرفته
وقولي له اذا سويت شي زين بحط نجمه واذا سويت شي شين بمسح نجمه واذا خلصت النجوم كلها بوديك محل الالعاب 😐 تاخذ اللعبه اللى تبيها
وشوفي الولد وشلون بيتمخطر على ها الطريقه
الطرق الثنتين تطبق على جمممممممميع الاطفال وليس اللى فيه عله << حلوه
بعد هذا كله مابي منكم الا انكم تدعون لي ان الله
يوفقني بدراستي
وينولني اللى ببالي :ق1:
