كيف تطلبي مصروف شهري ؟

كيفكم بنات 😉 😆 🙄

طبعا ليه لانو احنا ساكنين بمدينه ثانيه واهالينا بمدينه وما يعطيني فلوس الا اذا سافرت لاهلي ولا لما اطلب منه وانا مره مستحيه ما احب اطلب فلوس 😆 idea: 😥 وهو ما يتذكر هو من نفسه ..

وانتو عارفين الوحده تكون جالسها مع خواتها مرات نفسها ترسل شوكلاتات اوعصاير وشيبسات
او مثلا نفسها ترسل عشا لما يكونوا سهرانين مع بعض كل الاخوات تخيلوا اطالع بمحفظتي ولا هي فاضيه .. يعني قهر 😛 😎 او حتى لما تبغى امي شي من السوق نفسي اطلع محفظتي واعطي اخوي فلوس واقوله جيب اغراض امي 😛

وصح انو انا وياه بمدينه لحالنا وهو يصرف ع البيت واذا ابي السوق هو يشري لي بس والله مو حلوة يعني احيانا ندخل السوق واشتري وبعدين الاقي حاجات اموووت عليها واقول ابي هذي يقولي خلصت فلوسي ولا معي كفايه 👿 احراااااج يعني لو معي مصروفي انا اصرفه بكيفي مو احلى وحتى لما نروح ما اشري حاجات كثيره كل مره حاجه مره عطر ومره جزمتين ومره كم بلوزه اخاف ما معه فلوس واقعد 3 او 4 شهور ما بين نزله ونزله ثانيه 😆 idea:

وانا عيبي الكبير اني مسويه فيها عزه نفس انا مشكلتي مشكله من يوم انا عند اهلي وانا متعوده يكون فيه لي مصروف شهري اصرف بكيفي واحسب حسابي عشان ما يخلص مني … وكنت مبسوطه لاتي ارتب حاجاتي حسب المبلغ حتى لو كان بسيط ومستحيل اطلب من احد لو ريال واحد ماااااااااااااقدر ماااااااااااااااااقدر حتى لو انه زوجي

بس الحين تخيلوا والله محفظتي فاضيه مرات نكون واقفين عند اي مكان وتجيك الحبشيات اللي يبيعوا الشراريب الطويله والاكسسوارت للجوال وغيره عندهم حاجات تعجبني نفسي اني زي العالم اقدر افتح شنطتي واطلع المحفظه واشتري زي الناس

ومرات اشوف اشياء بالنت رومانسيات زوجيه وحركات نفسي اشتري منها واسوي له مفاجأه بس كيف ؟؟ ما عندي ولا ريال ولا اطلب منه اقول عطني بجيب لك هديه 😆 🙂

لا تقولوا لي بقي من مصرفك اللي يعطيك ياه لما تروحي لاهلك ما اقدر المصروف بس 500 وانا عندي بنت عمرها سنه ارسلها منه حليب وحفايض وعصير وبساكيت وحتى اخواني مرات هم اللي يجيبوا لبنتي على حسابهم

واكثر من مره وانا عند اهلي ابيع من ذهبي عشان اصرف ع نفسي واحس بشويه دلع تحسين بثقه لما كون معك مبلغ انتي حره التصرف فيه … [/

وش الحل ؟؟؟؟؟؟؟؟؟؟؟؟؟؟؟؟؟ 😳 😐

مره جوا اهل زوجي عندنا وطلعنا كلنا عمره وزوجي راح مع اخوانه وحنا يالحريم صلينا وطلعنا من الحرم وقالت ام زوجي خلونا ندخل المجمع هذا ودخلنا وقاموا بناتها كل وحده تشتري ميداليات واكسسوارات وانا واقفه عند باب المحل وقلبي محروق حتى ما دخلته عشان ما اتحسر و وجالس اطالع من القزاز وكان نفسي اسوي ميداليه لزوجي عليها اسمه بس والله محفظتي مافيها ولا ريااااال 😆 hy:

وجت عندي ام زوجي وهي تطالعني قالت لي ادخلي اشتري وانا ادفع لك يلعن ام الاحراج واالذل … قلت لها لا مابي شي وبعدين رحنا جلسنا وقاموا كلهم يشتروا عصير ويشربوا وانا والله مامعي ريال اشتري مويا ابل ريقي عاد قامت اخت زوجي وجابت لي عصير

هذا الموقف ما انسااااااااااااااااه بحياتي والله تمنيت لو بمحفظتي بس 10 ريال ع الاقل اشتري حاجه اشربها وزوجي وقتها كان مع اخوانه يعني وين القاه عشان اقوله اشتري لي …. والله كتبت هالموقف وانا ابكي ….