كيف نهتم بشعر البنوتات .

من الطبيعي اي ام عندها بنوته …. ضروري تخاف على شعر بنتها وتبي تهتم فيه قبل لا يطول ويطلعلها كشه …

الحمدالله لحد الحين بنتي شعرها سايح ويهبل ……ما شاءالله نعمه من الله ..

بس بدون اهتمام ما يندرى ممكن بيوم ليله تتفاجئين بتغير نوعيته وممكن يتحول إلى خشن أو متشابك …

بنتي الحين ما كملت 8 شهور …. وابتديت احط لها زيت جوز الهند …قبل الحمام بساعه … والحمدالله اشوفه صارله لمعه رهيبه الكل معجب في شعرها …ما شاءالله …

بس انا افكر دايم هل اللمعه معناها ان الشعر اخذ كفايته من الغذاء والرطوبه ؟

لا طبعاً … بالتغذيه السليمه يصير الشعر أقوى …

أهم شي الفواكه …. لا تفوتين يوم ما تأكلينها …ولو نوع واحد من الفواكه …. وكمان تذكروا أن أكل الخيار والبقدونس …ومفعوله على نمو وتغذية الشعر

ابشروا الخيار زين واخلطوه مع الزبادي … يعطيه طعم زين وبنفس الوقت يفيدها ويفيد شعرها ..

والبقدونس ممكن تفرميه وتخلطينه مع شوربة الخضار .

وناويه ان شاءالله أجيبلها ..زيت حبة البركه … وزيت الخروع … وكل يومين ادهنها بواحد …وجوز الهند طبعاً عجبتني لمعته …