كيكة الموز بالخطوات والصور من مطبخى……….تفضلوا**مميز**

السلام عليكم ورحمة الله وبركاته

كان عندى النهاردة موز كتير مستوى
فعدت أفكر أعمل بيه حاجة حلوة بدل ما يبوظ

فقعدت أبحث في جوجل على طريقة لكيكةموز تكون مقاديرها عندى عشان أعملها على طول

المهم خدت من كذا طريقة على بعض
وعملت كيكة الموز دى
وقلت أقولكم على الطريقة
ما أقلوكوش على الطعم والريحة خرافة

المقادير
3 بيض +فانيليا
4 موزات مستويين
نصف كوب لبن حليب
كوب ونصف سكر
نصف كوب زيت
2كوب دقيق
ملعقة كبيرة بيكينج بودر

الكراميل
نصف كوب سكر
2 ملعقة ماء
نصف ليمون

5 أو 6 موزات مقعطين شرائح بالطول

الطريقة
نضع مكونات الكراميل مع بعض في الصينية

ونقلب الى أن يكون ذهبي اللون

ثم نرص شرائح الموزفي الصينية(نسيت أصور الخطوة دى)

الكيكة
نضع البيض والفانيليا ثم الموز ثم السكر ثم اللبن والزيت ثم الدقيق والبيكينج

ثم نضع الخليط في الصينية فوق الموز والكراميل

وأنا كنت عاملة مقدار ونصف فوضعت باقي الخليط في صينية المافن وقوالب

ودى صور بعد السوا

دى قبل ما أقلبها

ودى بعد ما قلبتها