كيكتي المفضله للعصريه (بالجبن والزعتر) يمي مع الشاي

اهدي لكل من دخل موضوعي الف تحيه وسلام

وقطعه من هالكيكه

يارب تجوز لكم

المقادير::

4 بيضات + شوية فانيليا
3 فنجان قهوه سكر
علبة روب (زبادي)
بياله شاي زيت
بياله شاي لبن
2 كاس طحين كويتي
ملعقه كبيره بكنج بودر

وبس
تخلطينها مع بعض بالترتيب
ثم تصبين نص المقدار بصينيه بايركس وسط
ثم تصفين شرايح الجبن ( حق الهمبرجر) او تبشرين جبن كرافت براحتك
بس الشرايح اسهل لما تصبين باقي الخلطه
ثم تصبين الباقي وترشينه بزعتر
ودخليه للفرن وياعيني على الريحه

وتمتعي باحلى كيكة زعتر مع جبن

>>هنا سويت نص المقداربس لي ولعيالي

صينيه بايركس صغيره

وهذي اول قطعه واذا لاحظتو الجبن بالنص

وعليكم بالعافيه

صراحه لو بتسوين كمية وتودينها لاحد بتشرفك

,,

اي سؤال او تعقيب اتقبله بصدر رحب