عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمه الله وبركاته
انا جبتلكم طريقه عمل الكيك من مطبخى بالفانيليا والكاكاو
هى طريقتها سهله خالص
المكونات
الكبايه الى هتستخدموها هى فى كل مرة للبن والزيت والسكر والدقيق
2كبايه دقيق
4 بيضات
كبايه لبن كبيرة
كبايه ونصف سكر
كبايه زيت كبيرة زيت درة او زيت عباد
فانيليا
كيس بيكنج بودر
معلقتين كبار كاكاو
ذرة ملح
الطريقه
تضربى البيض مع الفانيليا فى الخلاط او العجان ولما يبقى هش تضيفى السكر وتضربى وبعد كدة اللبن
والزيت ونضرب لغايه اما تتجانسس مع بعضها
وبعدين نصب الخليط فى طبق غويط ونضع الدقيق المنخول مع البيكنج بودر وزرة الملح ونستمر فى التقليب
حتى تتجانس الكيك مع بعضه ولو احتاجت دقيق اضفلها حسب العجينه اما تبقى لا تقيله ولا خفيفه وسط
وبعد كدة تضيفى نصف الخليط الى صنيه متوسطه وتتركى الباقى تضعى عليه معلقتين الكاكاو
وتقلبى بسرعه ولو احتاجت حبهه لبن اضيفى وبعد كدة ضفيها فى قالب الكيك سواء مستدير او مستطيل
حسب الرغبه
وممكن تضيفى حبه من خليط الكاكاو على وجه كيكه الفانيليا
وتستوى فى فرن درجه 200 متوسط فى الرف الاوسط حوالى 30 دقيقه وتطلعيها
ودة شكلها النهائى
دة كيكه الفانيليا
ودة كيكه الشيكولاته او الكاكاو
وبالهنا والشفا
