[كِل ما اسافر لـ..جدهـ , اللي فيها القلب ساكن ترجع سنين القصيد ]

موضوعي هالمره منوع
بين الرياض & جدهـ

نبدأ بـ.. جدهـ

مقهى ومطعم بابايا
اطباقهم : أسيويه خصوصآ شرق اسيا

نصحتنا فيه بنت عمتي وقالت لنا اختصار لوقتكم ودراهمكم
لاتتعشون فيه بس الكوفي رايق وينفع جلسه لآخر الليل
رحنا له الساعه 12
موقعه بطريق الملك عبدالعزيز ورا سوق الشاطيء

الشي الي مش حلو بالمطعم الوسيقى

هذا شكل المطعم تقريبآ
بس الاضاءه مو مساعده يبين اكثر

هذي القائمه

وصف عام : حلوياتهم دسمه وتغث
ممكن تعجب اللي يحب الاشياء الثقيله
العصير كان افوكادو وليمون ونعناع . طعمه حلو وغريب

لو برجع اروح له لــ.. سببين
المكان حلو والجو فيه يروق
+
مايسكر الا الفجر طبعآ اغلب مطاعم جده كذا بس تغيرت من فتره وصارت تسكر من 2
الا هم باقين على حالهم

لونوتر

احلى ماكرون عندهم بالعالم
هذا الفرع اللي بجده في التحليه ومدري اذا فيه غيره
الغريب في هذا الفرع يقدم شيشه
واستغربت ان المطاعم العالميه تقدم شيشه !
لكن يحق لجده مالا يحق لغيرها

فروع الرياض : فرع سنتريا مطعم ومقهى , عوائل
ومره رايق بالشتاء
فرع التحليه : حلويات فقط
فرع طريق الملك فهد بمركز التخصصي الطبي : مقهى

جربت عندهم الاطباق الرئيسيه من زمان بالرياض
وماعجبوني لإن الاكل الفرنسي مش صحبه معاه
بس كــ..مقهى و حلويات لايعلى عليه

طلباتنا ( ماكرون بالايس كريم , براونيز , قهوه تركيه , قهوه امريكيه )

روحوا له وانتوا مغمضين

تشارليز قريلد سبز
وجبات سريعه
فروعه بس بالغربيه اللي رحت له في جده مجمع العرب والمدينه ناسيه ايش كان اسم المول يمكن النور ؟!
المهم انه موجود بالمدينه
وفي دبي بعد
وعقبال الرياض

احلى ساندويشات ستيك لحم عندهم
وبرضو الفرنش فرايز يحطون عليه جبنة لونها وطعمها لذيذ

نصيحه : لاتطلبون منهم دجاج مو مره فنانين فيه

خلصنا من جده و جينا لـ.. الرياض

سينتو بير سينتو

ايطالي راقي ,
مكانه جدآ سيء مو واضح
لو ماقريت عنه تقرير مادريت عنه
طريق العليا : يمين مع جرير بعدين يسار اول لفه راح يكون واضح قدامك

طبعآ الاكل الايطالي نادر احصل شي مايعجبني فيه
السلبيات اللي في اطباقهم انها دسمه جدآ
يعني من تجربه في المطاعم الايطاليه كافه لاتطلبون اكثر من 2 طبق رئيسي والباقي شكلو مقبلات وسلطات
لإن اغلب اكلهم يعتمد على الجبنه والكريمه البيضا كاملة الدسم

ولإني قريت عنهم انهم مره زحمه
حجزت قبلها بيوم وطلبت الجلسه بـ بارتشن
كانت مره رايقه وتنفع للبنات , بياخذون راحتهم

شوربة بروكلي
لذيذه بنفس الوقت كانت تثقيله
يعني رشفتين يكفي

شوربة ثمار البحر
إختي طلبتها تحبها وتقول عنها مره لزيزا

سلطة السيزر مره حلوه
بس مره شوي

سلطة الجرجير
مم نوعآ ما مقبوله فيها خل البلسمك اللي يتقبل هالطعم راح يحبها

واللي جنبه شرائح الخبز المحمص بـ شرائح الباذنجان المشويه

مثلثات الرافيولي
تجنن

😆 idea:

بينيه مع 4 اجبان
مره حلوه وحبيتها اكثر شي

هذي تهووووس
نسيت اسمها بس بنكهة الريحان

فوتشيني الفريدو
جربوا الليمون معها

هذي الاطباق اللي طلبناها وكلها كانت حلوه بس دسسسمه لآخر حد

أخر شي بقوله بخصوص هالمطعم
لاتطلبون ستيك لحم مو حلو الله يعز النعمه
لدرجة اني ماصورته

آخر شي الحلى
من ستيك هاوس
نزل في القائمه الجديده كذا نوع مش بطاله

يشبه اللي في تشيلز
ماعجبني بس الايس كريم لذيذ
وهالحلا يبي له قهوتهم المجنونه

براونيز بالايس كريم
لذيذه واحلى من اللي فوق

وأخيرآ كيكة الجزر
حلوه وفيها حموضه مدري شلون اوصفها
بس لاتطلبونها للبزارين مايحبون الحلويات اللي كذا