لأول مرة تجربتى لبسكويت النشادر بالبرتقال (بسكويت العيد )*مشارك في المسابقة *

رغيت كتير معلش يلا ندخل على المقادير والطريقة

للمقدار الواحد المقادير دى ولو عايزة تكترى الكمية تضربى ×2 او ×3 على قد ما هتعملى

المقادير:

-¾ كوب سكر بودرة
-1 ملعقة صغيرة نشادر
-1 ملعقة صغيرة فانيليا
-3 بيض
– نصف كوب سمن سايح
-3 كوب دقيق
– ثلث كوب لبن
– ثلث كوب عصير برتقال

الطريقة:

– يُخلط سكر البودرة مع النشادر و الفانيليا في وعاء عميق.
– يُخفق البيض جيداً في وعاء أخر باستخدام المضرب الكهربائي ، و يُضاف إليه خليط سكر البودرة مع الخلط جيداً.
– تُضاف السمنة السايحة مع الاستمرار في العجن حتى تندمج كل المكونات و تتداخل.
– يُضاف الدقيق ، و اللبن و عصير البرتقال تدريجياً مع الاستمرار في العجن الجيد حتى نحصل على عجين أملس ناعم.
– يُوضع العجين في كيس حلواني ، و يُشكل على هيئة أصابع عريضة مستوية من الجزء السُفلي و بها تعرجات من أعلى وممكن تستخدمى ماكينة البسكوت و تشكلى على حسب الرغبة 💡 .

انا ماعرفتش اتحكم اوى فى القمع فطلع كبير شوية 😛 مش مهم الرك على الطعم ههههههههه

– يرص فى صاج مدهون بالزيت
– يخبز في فرن حرارته 180 درجة مئوية لمدة 7 – 10 دقيقة .

ودى الصور

ودى صينية من الصوانى فى الفرن

ودى الكمية كلها
عشان يفضل معاكى مقرمش وما يلينش من الهوا لازم نحفظه فى كرتونه او طبق بلاستيك مفروش بمشمع ونغطيه من فوق برضه بكيس نايلون او مشمع ونطلع على قد احتياجنا ونغطيه تانى كده هيفضل معاكى طازة ومقرمش على طوول

والطبق ده لأول واحدة تدخل من نصيبها