عالم البنات النسائي كل ما يخص المرأة العربية من ازياء وجمال والحياة الزوجية والمطبخ
مرحبااا بنات اخباركم بقولكم عن مديرتي اه شفت الظيم والظلايم << قامت تشعر
والله يابنات اننا مظلومات انا مااتكلم على لساني على عده السن اللي هم انا وصديقتي نوره وعايشه
شفنا الهواايل منهاااا ماااعندهاا اسلوب هالمره << هيلق وربي
تخيلن تقول هااااي انتي معاها وضمخ !!!! خير وين حنا فيه
ومره كنا في وانا كنت اقول قصيده قامت تقول للبنااات يلا امشواا وتخيلن يعني بيكون موقف
تقولي وقفي خلاااص وانا عناااد فيهااا كملت ماااشوف الا البنات تصفيق من الادوااار وش رايكم فيني << اقول اخلصي انا انقهرت قلت للمرشده تخيلي انك في امسيه شعريه وانتي تقصدين الا الجمهور عطاك ظهره ومشى وش يكون موقفك ؟؟؟
طيب هي قايله انه الحكل عاادي الخفيف والبناااات حاطين كحل عروووس وماتقول شئ
بس اذا شافتنا حنا حاطات قالت الحكل الزااايد ماانبغاااه
هم سكتنا المصلى مقفلته ليه هالل يقهر صحيح انه غالبيه البنااات مايصلون بس حتى في من يصلي تخيلن صرت اصلي بغرفه المستخدماات والله قله حياااء
جت فتره الحمامات انتن الكرامه قفلتهم وخلت حمام تحت عند الادره يعني انزل من ثلاث ادواار
فوق هذا كله لالااسلوب ولا شئ واذا بنت صارلها شئ مايحتااج تقولها هي اللي تحط السالفه وتكملهاا وكلها كذب ومره قلت للمدرسات فائده عن شئ قالت الصباااح بالطااابور حنا مانبغى هالاشياء بالمدرسه
اصلن من قالك انه بالمدرسه قالت المدرسه بشاير نبغى افكاار للمصلى انا وصديقاااتي << طبعا قبل لايتقفل قلنا يب نسوي ونجيب ونحط نبغى دعم حنا عشااان يخلص المصلي قالت اشتري من فلوسك وجيبي الفواتير وحنا نعطيك نعم نعم وين الثقه في المواطن السعودي << اقول اهجدي
واذا انا مااعندي يعني جالسه على بنك مثلا ولا سواقي بيجي يوديني اشتري
اسلوووبها تبن وقله حياااء وعندهاا عنصريه تحب من نفس فئتها وماااراح اقول هي من وين
ودااايم تعاااير شوفووا اللوحه ترى مخسره عليها فلووس وشفتوو الصابون والمناديل اللي بالحماام
مخسره عليها فلووس وتعااير الاجنبياات تقول الباص اللي بحيكم مااراح يمر عندكم عاااد انتم تبغون الرخص
ليه مالها حق تتكلم مع الاجنبياات بهالطريقه هم جاين عندنا يدرسون ويشتغلووون ليه المعامله ؟؟
ليه هي صار فه عليهم من فلووسهااا
والمدااارس دايم تكون عدهم يوم مفتووح حنا مااعندناا تحط حصتين تقول يلا هذا يوم مفتوووح غباااء
وصااارت تبغى تكلمني وانا مااعطيهاا وجه لانها ماتستحق
تخيلن حاطه لنا باصين وقالت انها باصات هههههههه قالت من اللي في حي الفلاني قلت انا وفلانه فلانه
علما انه بيتي بعيد شوي بس ارروح مشي يعني امر عند مدرسه اولاد ابتدائي وبعد حلاق وبعده مسجد وبعده حق غااز وبعده بقالتين بعده بوفيه بعده مدرسه ابتدائي بنات وبعدين مدرستي
قالت انتي مشي خلااص روحي مشي قلت بيتي بعيد قالت طيب ان بشوف الباااص شوي قالت تجمعن بنص الحي <<لاياشيخه اروووح مشئ احس وش الفايده وصلت المدرسه
ماتحسين انها مديره عاقله ولا المصيبه اذا جو يكرموناا الاوائل هداياهم شمووع ههههه
قالت صديقتي وش المغزى يابشاير قلت كوني كالشمعه تحترقين لتضئي درب الاخرين ههههه
والمديره تحب البنت الي تشتري للمدرسه شئ يعني تدفع الراجحي مثلاااا
ومره كرومونا واعطونا بروش مكتوب متفوقه من محل بريالين خلصنا من التكريم قالواا جيبوهااا ههههه يمه يمه وش هالمدرسه متخلفه جدا ويوم الثلاثاء عندنا بعد تكريم كرموناااا وخلونا ندور على الساااحه كلهاا
تخيلت نفسي في الروووضه وبعدها عطونااااشهاده تقدير بس من محل برياال اقصد بو جمله اللي اشتري بالجمله تربحين قلم مااعلينا الا صديقتي تقول بشاير هالمره مااعطونا شمووع لانه تسريحتي كلهاا شمووع غباااء قلت نوره محل بريالين يطالبهم فلوووس عشاان كذا ماعطاهم البنات ههههههههههههه
ودايم تقول الميزاانيه ماتكفي والمزانيه ناقصه ياربي وين ترووح ماشفنا شئ جديد لايوم مفتوووح ولا احتفاال
حتى اذا فيه يوم وطني تخيلي وحده تقول موضوع تاخذ منخا المايك وتقول هاايييي انتي اللي ورى يعني
تهاوش عشان الازعااج مافيه طريقه ابدا روحي لها قوليلها اطلعي تقطع البنات ليه وتجلس تصاااارخ
والله يابنات مقهووووره منها المقصف مافيه الا عاامله وحده ومسكينه تتعب والمدرسه زحمه
ويدق اجرس والبنات ماكلن قلت انا وصديقتي نرووح للمرشده ونقول انه بنساعدها في البيع رحنا يالبى قلب المرشده بس قالت اذا يوم السبت ماجت الثانيه انتم ساعدوووها عامله المقصف احسهاا فرحت مره
يعني بس اول الفسحه بس وانا ماابغى اطولها مع المديره لاني بثالث اخر سنه لاتخسف دراجااتي خفس
والله بعض الاحياان ادعي اقول اللهم ارني فيها عجائب قدرتك
بنااات وش راايكن بالمديره ؟؟؟؟؟؟؟؟؟؟؟
ادري طولت عليكم بس من حر مابي
ياحبني لكم بث
