عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلآم عليكم
يمكن البعض منكم فهم العنوان خاصة أهل نجد
المقولة هذي دايم نقولها في حال شفنا احد وضحكنا عليه لكن الموقف الي ضحكنا عليه يصير لنا
فهمتوا شي 😀
مثال // <<درس قواعد هع
شفتي وحده تمشي بالسوق وفجأة طاحت
طبيعي بتضحكين عليها حتى لو بقلبك
يمكن بنفس اللحظه او من بكره او بعد شهر او بعد سنه يصير لك نفس الموقف وتطيحين والناس تضحك عليك ➡
اكيد وصلت الفكرة
خلال هذا الموضوع كل وحده تكتب الموقف الي ضحكت عليه وصار لها من بعده
بقول لكم عن موقفي
مره من المرات كنا رايحين مع اهل عمي لمنتزه بالثمامة
وكان في وقت الاجازات يحطون خيمه فيها عروض للعطورات والاكسسوارات والشنط والمفارش
مرت عمي اشترت من عندهم 4 مفارش
قلت انا لامي الحمد لله مالقت تشتري مفارش الا من منتزه وشلون تشيلهم عند الناس وتدور فيهم ❗
ومررررررررررررت الأيـــام
كنت ارتب غرفتي واخذت كل المفارش ورميتها بسوي تجديد 😆
وراحت المفارش للمغسله ومابقى عندي شي افرشه
بنفس اليوم صادفت بنروح لنفسسسسسسسسسس المنتزه
بعد مارحنا قلت فرصه بشتري لي مفرش
ياليتها جت على كذا
بعد ماشريته وجلست ادور فيه
جلسنا بمكان نلعب الاطفال فيه ونسييييييييته
رحت وخليته بعدين استوعبت مفرشي وينه ضااااااااااااع:)
وارجع ادوره وادوره لقيته مع رجل الأمن ههههههههههههههه
شفتوا الحاله الي مريت فيها صرت اشد من مرت عمي ع الاقل هي اشترته وحطته في السياره اما انا ضاع مني والكل عرف اني شاريه مفرش ➡
ههههههههههه وبث
