لا عقم بعد الان هذي قصة حملي ربي يتمم علي يارب

السلام عليكم ورحمة الله وبركاته
بنات انا من عمري 19 سنه وانا الدوره مومنتظمه عندي ولما رحت لدكتوره خاصه قالت لي انتي عندج اكياس على المبيض لازم تنزلين من وزنج علشا ن الدوره تنزل وانا كنت بنت مومتزوجه الحمد لله على كل حال ما كان يهمني الموضوع اصلا الدوره لما تتاحر استانس علشان افتك من وجعها ,غقب مرت الايام والسنين قامت تنزل كل شهر وتتلخبط مره او مرتين بالسنه يعني تجي كل شهرين او ثلاث ان طولت وانا احيانا كنت امنزلتها بحبوب اللي تنزل الدوره او اكل حبوب المنظم كليتها مره وحده بعمري لما كان لي 19 سنه استمريت عليهم 6 شهور لين انتظمت وبعد ما صار عمري 25 تزوجت انزلت علي مره وحده عقب زواجي مباشره بعدها ثلاث شهور ما انزلت وارحامي حاسه فيهم بينفجرون من الانتفاخ سويت تحليل حمل هرموني وتاكد اني موحامل عقب رحت لمرا تمرخ وقعدت امرخ عندها قبل تنزل علي الدوره وعطتني دوا قالت عندج ميلان بالارحام وعطتني دوا قالت شربي واسبوع وتنزل الدوره مر اسبوع اسبوعين ثلاث ولا نزلت علي رحت للطبيب عطاني حبوب تنزيا الدوره وقالي اسوي تحاليل واكل حبوب منظم للدوره رحت وقلت لزوجي السالفه وقلت الحبوب هذي تنفخ رفض اني اكل الحبوب المنظمه وقال لي دواج مو عند الطبيب دواج هي الرقيه الشرعيه لما سويت تحاليل كل هرموناتي سليمه الا هرمون التبويض عندي 5 يعني ضعيف جدا جدا سمعت كلام زوجي ورحت عند راقي شرعي ودوامت عنده لي الشهر الثاني اللي نزلت علي الدوره هالمره من غير علاج ربي نزلها علي بعد 33 يوم من الدوره السابقه اللي نزلتها بحبوب عقب قمت اقرا على نفسي واداوم عند الشيخ كنت عقب كل صلاة ومستمره الى الان احط يدي على ارحامي واقرا سورة الفاتحه سبع مرات واقرا المعودتين وايه الكرسي والاخلاص ثلاث واقرا خواتيم البقره والله يا بنات رحت بنفس الشهر اسوي سونار اراقب التبويض طلع عندي اربع بويضات بس ولا وجده بالحجم الطبيعي اللي تلقح اي اكبر وحده كانت 5 من يوم 12 من الدوره الى اليوم 17 وانا فقدت لامل اني احمل هذا الشهر بس استمريت على الرقيه الشرعيه عند الشيخ واستمريت ارقي نفسي والاستغفار وادعي يوم الجمعه كثير وابكي واتضرع لله رب العزه والجبروت انها راح يرزقني هالشهر وبالنسبه للجماع كان ما بين اليوم 8 اي اليوم 20 وانا اذا ماكان كل يوم كان يوم وترك وغيرت وقت الجماع خليته بعد الفجر مباشره او قبل اروح للدوام في الصباح الباكر وفي اليو 14 من الدوره عقب الجماع مباشره حسيت بنقطت دم نزلت مع اختلطت بمني زوجي وقلت في نفسي معقوله ربي رزقني معقوله انا حامل عاد قلت في نفسي هذي تهيؤات انا عقيم وما في بويضه وصلت للحجم الطبيعي شلون احمل والتبويض ضعيف لازم اخذ محفزات للتنشيط ومافكرت بالموضوع كلش نسيت الحمل وتناسيته بس كنت حذره على نفسي تركت الرياضه لاني كنت اسوي رجيم وتركت الشغب اللي اسويه مثل النزول من الدرج جري وقمت انزل شوي شوي واتخيل نفسي حامل لين تنزل الدوره لي قبل موعد الدوره باسبوع كان ماسكني عوار بالظهر يموتني ما يخف لين انام على ظهري وقبل لا احلل بيومين كنت اول ما صحى من النوم احس بدوخه وارجع انام احس الدنيا اسودت بعيني واخذ يومين نايمه على الوجه بس اصحى انام وكرهت الاكل يعني ما اشتهي ولما رحت للمستوصف الي اعمل فيه ممرضه بقسم الحوامل قلت في نفسي ليه مااعمل تحليل حمل بول كان مار على موعد الدوره 34 يوم وقلت في نفسي لوعملت في هذا اليوم ما راح يبين اذا فيه حمل لانه ما يبين الابعد اربعين يوم بالبول تكرمون كتبت لي تحليل عقب ارسلت العينه مع الفراشه الصبح ونسيت امره تذكرتها على الساعه 10 الصبح قلت خل اتصل على المختبر ردت علي الموظفه وسالتها عن النتيجه وفي نفسي راح تكون سلبيه بس كذا عبط اسالها الا والاجابه اجابيه مبرووووووووووووووووووووووووووووووووووووووووووووووو ووك حامل حامل حامل انا من الفرحه قلت لها تاكدي من الاسم عطيني الرقم المدني اللي على العينه انتي متاكده من الكلام اللي تقولينه قالت والله حاااااااااااااااااااااااااااااااامل هنا قمت وسجدت شكر لرب العالمين على هذي النعمه واسال الله العظيم رب العرش العظيم انه يقر عيني بجنيني اللي في رحمي ويجعله من الذريه الصالحه ويرزق كل محرومه بهذا المنتدى بالذريه الصالحه انا الحين بالشهر الخامس لا انسوني بالدعاء واسفه على الاطاله بس حبيت اوضح ان العقم يمكن يكون سببه عين او مس او سحر او حسد فعليكن بقراة البقره يوميا فاخذها بركه وتركها حسره