عالم البنات النسائي كل ما يخص المرأة العربية من ازياء وجمال والحياة الزوجية والمطبخ
مرحبا ياامهات
في موضوع شاغل بالي لي فتره ولي كم يوم مطبقته انا عيالي بسم الله عليهم والله يحفظهم
يحبون شرب العصير يوميا او اكثر مع الاكل او بدون وانتوا عارفين العصاير مافيها اي فايده ويمكن يكون فيها ضرر لان كلها مواد حافظه والوان صناعيه فقررت اصلح لهم عصير يوميا بالبيت وكل يوم نكهه وبالنسبه للعصاير الجاهزه تكون حق الضروره والطلعه جلست معهم واقنعتهم قلت لهم خلاص ماراح نشتري عصير من السوبر ماركت مثل قبل احنا نسوي العصير بالبيت ومافي عصير مع الاكل نشرب لبن مع الغداء او ماء وبديت لي 3 ايام
اليوم الاول :
عصير برتقال طازج بآله الكبس اسهل شيئ
وحطيت لهم مزاز وزيته مثل كذا
والحمدلله انبسطوا كثير
اليوم الثاني :
عصير موز وفراوله بالحليب
وطريقته بخلاط الكأس
4 موزات
6 فراوله طازج
كأس ماء
4 ملاعق حليب بودره
شويه ثلج
اخلطيهم بالخلاط وصبيها بكاسات وزينيها انا زينته بالفراوله السائله
اليوم الثالث :
عصير ليمون بالنعناع
عصرت ليمون وخلطته مع سكر وماء وحطيتهع بالخلاط واضفت له شوي نعناع وصبيته بكاسات
بحاول انوع لهم بالفواكه كل يوم هم مايأكلوا فواكه دايم على الاقل يشربوا العصير
ودي اشتري خلاط خاص للعصير
وش رأيكم انتوا معي ولا لا ؟؟
كفايه ان اكلهم مو كثير ومو اي شيئ يبغوا يأكلوه
