عالم البنات النسائي كل ما يخص المرأة العربية من ازياء وجمال والحياة الزوجية والمطبخ
بنات انا اليوم نزلت وصفة كنت مسويتها لبنت خالتي من 3 شهور تقريبا وانا ماانزل شي الا لين اشوف نتائجها على الغير علشان مااحب اضركم حبايبي الوصفة كنت مجمعتها في ملف الورد الخاص ببتكاراتي الخاصة وخلطتها لها وعطيتها والله ان شعرها صار مرا رروعه ماتوقعت كانت تعاني من جفاف قوي في شعرها والشعرة تتساقط بكثرة وسبحان الله تنقص الشعرة من النص كأن احد قاصها بمقص غريبة هذا الشي وغير كذا شعرها لين ظهرها وتبي يطول ويكثف ويروح البهتان في شعرها بعد خلطت لها الخلطة واستخدمتها بشكل يومي لمدة 7 ساعات يوميا مع مساج للشعر عند وضع الزيوت وتغطية بكاب بلاستيك ضروري وتغسل شعرها بشامبو روبرتا الاحمر القديم الي ب3 ريال مرا حلو للشعر وحذرتها من الاستشوار وانها ضروري تجدل شعرها على طول وهو رطب وغير كذا تبتعد عن حمامات الزيت والبلسم والسيروم فترة استخدامها للزيوت ووفترة عنايتها لشعرها
وصراحة يوم جات امس شعرها رهيب بمعنى الكلمة غطى على شعري ههههههه
بصراحة نعومة وصحة وشعرها طول 6 سانتي وشفت شعر كثير نابت وكثف وشعرها ثقل وقوى عن اول ومافي شعر مقصوص زي اول غير اللمعه ووطرواة مرا
قلت كل شي بصراحة بقى ممن تتكون الوصفة
مكوناتها
200 مل زيت خروع
200 مل زيت الحية الاصلي انتاج الهند ضروري
200 مل زيت جنين القمح
200 مل زيت انوب
200 مل زيت كبد الحوت
200 مل زيت الاس
200 مل زيت الحلبة
200 مل زيت الياسمين الاحمر
ملعقة اكل مطحون الحبة السوداء
ملعقة اكل مطحون السنامكي
ملعقة اكل مطحون المحلب
ملعقة اكل مطحون الثوم
ملعقة اكل مطحون الكمون
ملعقة اكل مطحون كلا من قشر الليمون والبرتقال المجفف
&الطريقة&
ناخذ علبة زجاج ونظيفة وناشفة جيدا نضع الزيوت فية وباقي الخلطة الجافة مع بعض وننقع الزيوت لمدة 5 ايام فقط ثم تصفينها الزيوت جيدا من المواد المطحونة وتستخدم بشكل يومي لمدة شهر تقريبا لمدة 7 ساعات وراح تتاكدو من نتائج الوصفة
يابنات
بجد رروعه بعيني شفت النتائج مو نقل من كلام احد حبايبي
