عالم البنات النسائي كل ما يخص المرأة العربية من ازياء وجمال والحياة الزوجية والمطبخ
بسم الله الرحمن الرحيم
أول شي الله يبلغني وأياكم شهر رمضان الفضيل واحنا بأحسن حال يارب
أنا أول مرة أكتب موضوع عشان كذا ماني عارفة كيف أبدا 🙁
طيب أبقولكم سبب كتابتي لها الموضوع
في يوم كنت جالسة أنا وأخواتي وبنات أقاربي نسولف ودخلنا في سالفة رمضان وكانوا متحمسين مرررة لشهر رمضان ومبسوطين أنه قرب يجي
الي زعلني انهم متحمسين له عشان السهر والمسلسلات والوناسة
ياليت وحدة منهم قالت ابختم فيه القرآن أو ابصلي التراويح والقيام 🙂
هم فيهم خير بس مررة كسولات
خطرت في بالي فكرة 😆 🙂 ليه ما أسويلهم شي يساعدهم ويحمسهم للعبادة في رمضان 😆 idea:سواء كانت هذي العبادة قراءة القرآن أو الدعاء او التسبيح أو الاستغفار
وبدا الشغل 😆 hy:
دخلت منتداي الحبيب الفراشة وأخذت منه بعض المواضيع
وأيضا من منتديات أخرى
بعد ما لقيت إلي أبغاه سويت المواضيع بأشكال فنيه ورتبتها وحطيتها كلها في ملف واحد وهذا هو الملف
هذا الكرت الي معلق في الملف
داخل الكرت
محتويات الملف
جدول لختم القرآن فيه عدد الايام والصلوات الخمس تحت كل صلاة فيه خمس خانات للي تبي تختم القرآن في رمضان تقراء بعد كل صلاة اربع صفحات وكل ما تخلص صفحة تحط علامة اكس في الخانة الاولى وهكذا انا زدت الخانة الخامسة للي تبي تزيد صفحة او لقراءة آية الكرسي بعد كل صلاة وهذا الجدول سويتلهم إياه للمساعدة
أيضا موجود في الملف فوائد الاذكار وقصص واقعية في فوائد الاستغفار
وسويت جدول للأذكار في هذا الجدول حطيت الاستغفار والتسبيح وكفارة المجلس كمان فيه عدد الايام وتحت كل ذكر خانة كل ماتستغفر أو تسبح 33 مرة أو اكثر في هاليوم تحط علامة أكس في الخانة الي تحت الذكر الي قالته وكمان تذكير لكفارة المجلس عشان ما تنساها
وهذا هو الجدول
وكمان حطيت موضوع بعنوان ثلاث ساعات مستجاب فيه الدعاء
لتذكيرهم بالدعاء في هذه الايام الفضيلة وهذا هو شكل الموضوع
وهذي هي المقدمة أخذتها من موضوع وجدته في هذا المنتدى الرائع
وزدت عليها شي بسيط من عندي
وحطيت شي للمتعة عشان يتحمسون ويتحرون ليلة القدرو كمان اخذت هذا الموضوع من هذ المنتدى
ومواضيع اخرى متنوعة
وأخيرا خلصت يمكن الي سويته قليل بس أحسن من لا شي 💡
صح نسيت اقولكم فيه ملف خاص للاطفال حطيت فيه اشياء تناسب عمرهم وشجرة الصلاة
راح اوزعها ان شا الله عليهم قبل رمضان بيوم انا مسويتها مفاجئة لهم يا رب تعجبهم وتحمسهم يا رب العرش العظيم 🙁
ما أدري أذا كان عجبتكم الفكرة 🙁
بس أذا كان في اي شي خطاء ردولي
الله يوفقكم ادعولي بالزوج الصالح الي يسعدني
في وداعة لرحمن 😆
