عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم يا احلي فراشات
انا من شهر تقريبا بدأت اهتم بشعري بعد ماكان اتبهدل من الصبغة وغيره ومشيت علي جدول حور الجنان ولحمد لله شعري احسن كتيير و حسيت ان شعرتي سمكت و اصبح اكثر ليونة ولمعان بس الطمع خلاني اعمل خلطة زيت تانية لتطويل الشعر كنت عايزة نتيجةبسرعة………..طماعة
وفعلا اخذت احلي زيوت متوفرة عندي للتطويل وكل زيت منهم في غني عن التعريف به
(زيت الخردل – زيت السمسم -زيت الخروع – زيت املا- زيت بذر الكتان- زيت الصويا – زيت كافور – زيت بردقوش -زيت الكمون – زيت الحية الباكستاني زيت لوز منقوع به بذور القطونا )ومعلقة من الاس وعروق التوت و حصي لبان و مرمرية
وتركتها 5 ايام بدات فيها اول ما حطيت الزيت شعري كان ناااااعم جدا بس كنت قبلها عاملة حنة وشطفتها بالماء فقط ووضعت الزيت تاني يوم
ووغسلت شعري وتاني يوم حطيت تاني زيت بس سيبته كتير وضفرته ولما غسلته لقيته غريب مش راضي يتسرح بسهولة و ملسمة غريب وحسيت ان الكسرات فيه واضحة وكتيرة
اتصدمت لدرجة اني كنت هعيط 😐
مش عارفة الغلط في ايه
امي قالتلي عشبة الاس الدكتور قال انها بتجعد الشعر هل هذا صحيح لأن شعري طبيعته جاف و فيه كسرا شوية
ولا عروق التوت لأني شاكة في العطار اللي جبت منه عروق التوت لأني سألت عليها كتير هنا محدش عرفها يمكن اداني حاجة تانية
هي شكلها عامل زي فروع الشجر خشب ومعرفتش اطحنه ولا ادقة فحمصته في طاسة علي نار هادية لغاية مبقي زي البخور كدة طحنته ……وريحته وانا بحمصة كانت عاملة زي السمسم المحمص
الزيوت كلها بتنعم الشعر وتطولة
اعمل ايه انا عملت كمية و خسارة ارميها حاسة ان الزيوت اللي فيها روعة مش عارفة ايه اللي غلط
ايه رأيكم ازود كمية اي زيت منهم واجربها تاني ولا ايه؟؟؟؟؟؟
سامحوني قلتلكم قصة حياتي
بس قلت يمكن تقدروا تساعدوني
يا ريت تشاركوني ارائكم في خلطتي 😛
