للمهمو مين واللي مو عايشيين حياتهم ادخلوووو

بسم الله الرحمن الرحيم

بدون مقدمات ولف ودوران بدخل في الموضوع

انا وصديقاتي وقريباتي قررنا نسوي حمله اسمها حملة يلا نعيشها

و نبي كل البنات اللي متضايقين ليل نهار واللي حالتهم صعبه والحزينات

يتفاعلون معنا لأن من جد ليه الاحزان والحياه الخايسه اللي حنا عايشينها

وعلى ولا شي كل وحده تجي الجامعه عيونها متنفخه وحمرا من الصياح اللي طول الليل

على اشياء تافهه وماتستاهل

ياااااااابنات لازم تعشون حياتكم يعني الى متى بنعيش تحت شعار زهقانه وطفشانه وحزينه ومالي خلق

خلاص من اليوم كل وحده لازم تعيش حياتها >>عصبببت

يعني من جد وووووش ذا ابي اشوف النات مبسوطين وعايشين حياتهم ترا ملينا

الحين وبدون اسباب كل وحده مسويه انواع الحزن

طيب اذا جا وقت الحزن الصدقي الله لايقوله بعيد الشر يعني
وش بتسوون

بنات من جد احلى ايام عمركم تضيع تحت شعار زهق وطفش

حاولو تغيرون حياتكم وتعيشونها بأدق تفاصيلها

خانك زوجك بالطقاق هو الخسران

اكتشفتي ان صديقتك خانتك وماتتأمن على سر بالطقاقيييين

وسعي صدرك وعيشي اليوم وبكره

والماضي اذا كان مخيس ومعفن انسيييه واذا كانت فيه ذكريات حلوه تذكريها وابتسمممي

عندك مشاكل في البيت بين امك وابوك ولا بين اخوانك
او بين جماعتكم او مع جارتكم
حاولي تبعدين نفسك وماتشغلين نفسك بالاشياء هذي لان هي اللي تخرب النفسييه

واذا خربت النفسيه تخرب البشره وانواع الحبوب
ويتساقط الشعر وتبدا النحافه أو السمنه

لييييييه ططططططيب؟؟؟

حاولي تنظشين كل شي وتدلعين نفسك

اذا طفشتي روحي المطبخ سوي لك كوفي واقعدي بغرفتك واشربيه وفكري باشيااااء حلوووه
وتذكري الذكريات الحلوه

حاولي تبسطين نفسك بأي شي يبسسسسسسسطك

يعني ليه انتظر انو احد يجي يوسع صدري انا اوسع صدري من نفسي

وادري انكم بتقولون صعب كيف اجبر نفسي تنبسط وانا متضايقه

بس صددددددقوني مو صعب مافيه شي صعب اذا كنتي مقتنعه فيه وناويه تسوينه

أوكي كلنا نمر باوقات نكون متضايقين ومو طايقين احد

بس لازم نتغلب على الاشياء هذي ألزم ماعلينا نفسياتنا

وتتتتتذكروا اللي تبعد عن ذكر الله وعن الصلاه تصير حياتها اتعس حياه

قال تعالى((ومن اعرض عن ذكري فأن له معيشة ضنكا ))

إللي عجبها الموضوع وموافقه على الكلام تحط مشاركتها

من جد عيشو حياتكم ولا تلتلفتون لورا و الشين انسوه
ولا تنتبهون الا للاشياء الحلوة ولا تحبون الا اللي يحبونكم
ويتمنون لكم السعاده من كل قلوبهم
اما الشيون يعّوووهـ مو من زينهم لا تعطونهم وجه
ولا تزعلون بسبتهم
لان بكذا انتم تعطونهم سكن مجاني بعقولكم وهم ما يستاهلون حتى ملحق

{ إحنآ بنعيش حيآة ” وحدة ” بس ليه تنكـدون ع أنفسكم ، عيشوهآ بكل تفآصيلهآ
و شي طبيعي يكون بحيآتنآ عثرآت و الشآطر إللي يتخطآهآ : ) ، أحبـكم