للي تبي نظافه وطراوه ونعومه للجسم على أصولو

حبيت أنقل لكم تجربتي الحلوه لجسم أكثر نظافه وطراوه كمان..

ومع الاستمرار قولي للبقع السمرا
الي في الجسم 😆 🙄 بااي بااااي…
يله كل وحده تخلي الي في ايدها
وتسوي هذي الطريقه الي تهوس..

((مره في الاسبوع او 2 فقط ))

المرحلة الاولى:
تاخدين لج شور .. دااااااااافي وتغسلين جسمج بأي صابونه

بعدين تنشفين جسمج …

وتطلعين من الباث روم ….

المرحله الثانيه :
بعدين تأخذين مجموعة زيوت وتخلطينهم في اناء بصراحه انا شفتها في المنتدى وضفت عليها اشيا من عندي

1_ زيت االجلسرين

2_زيت اللوز

3_ زيت الخروع

تخلينها على جسمج نصف ساعه او اكثر ..

المرحله الثالثه :

ترجعين مره ثانيه للحمام ..;)

ثم تغسلين جسمج بماء ساخن وتشغلين الماء الحار حتى يكون الحمام كله بخار
وتمين 4 دقايق

ثم تأخذين الصابون المغربي وتفردينه على جميع جسمج

وتنتضرين15 دقيقه …او اكثر حسب الوقت الي عندج…

اثناء الأنتضار ضعي ماسك على وجهج ..
عباره عن ملعقه حليب نيدو مع ملعقة حليب مراعي او اي حليب يكون فريش

وضعي حمام زيت على شعرج

وبعد انتهاء ربع ساعه ..

المرحله الرابعه :
غسلي جسمج بالماء من الصابون المغربي .. تماما

وبالليفه المغربيه او بليفة بادي شوب

ابدئي بدعك جسمج على شكل دائره راح تلقين الاوساخ تطلع كنج من 20 سنه ماتسبحتي……. ❗
المهم بعدين غسلي شعرج ووجهج وجسمج

المرحله الخامسه:
لما تطلعين ضعي في جسمج قطرات من بيبي اويل او زيت اللوز

ونعيما يافرااااااااااااااااااشات……

((ملاحظه يابنات:
للي ماعندها وقت تقدر تلغي المرحله الاولى
بمعنى : انها تحط الزيوت قبل ما تاخذ لها دش وتخليها على جسمها بعدين تدخل الحمام وتسوي لها الحمام المغربي ….))