عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلاااااااام عليكم ورحمة الله وبركاته
بنات بدخلكم بالموضوع على طول
انا عارفه كثير من البنات اللي يشتكوون من سواد المناطق الحساسه والركب والاكواع
يابناااات لقيتلكم الحل
والله على مااقوله شهيييد
حل سريع وطبيعي وسعره حيل رخيص
بله خلطات بله خرابيط
شووفوو بقولكم السالفه كامله
انا أمس زرت صديقي اللي لاعت جبده من ويهي 😆 🙂 الا وهو الحواج
عاد قلتله ابي شي يفتح عاد عطاني علبه سنفره عليها رسمه فواكه قالي هذي للجسم كامل
قلتله لا ابي شي سرييييع وللمناطق الحساسه
عاد قالي تبين سريع وطلع من بين الاغراض صابونه قالي هذي كثير الطلب عليها عشان جذي انا مااعرضها اللي يسألني بس اعطيه لانه بسرعه تخلص مني الكميه
قلتله طيب عطني لوووول
طبعاا اهي لازم احطها مرتين باليوووم
انا اليوم بلشت فيها
طبعا انا لاحظت من اول يوم عشان جذي مستانسه وعلى طول قلت اكتب لخواتي
بصراحه ماجربتها على الركب والاكواع لانه ماشاء الله ماعندي فيها سواد
حطيتها بس على المنطقه اللي خبركم معنها مو سوده بس حطيتها قلت ابيها تلق بياض خخخخخخ
وحطيتها في الابط
المووهم اللي لاحظته اليوم
انه بوسط الابط صارت بقعه بيضاااا
فقلت الحمدالله من اولها جذي عيل بعد اسبوعين شنو راح يصير
انا على طول نزلتلكم الموضوع عشان اني شايفه وايد بنات يحوسون بخلطات للمناطق الحساسه والاكواع والابط
فهي لا خلطه وله شي مجرد صابونه
فقط لهالاماكن يعني مو تستخدمونها لوجهكم
لا بس مكتوب انها للابط ومنطقة البكيني والاكواع والركب فقط
وهذي اهي الصوره تلقونها بالمرفقات
وانا بعد صورتلكم طريقة الاستعمال والحجي اللي مكتوب على العلبه
قيمتها 3.500 دينار
من الحواج تلقونها (( انا شريتها من الحواج اللي موجوده بقرية يوم البحار ))
الصور بالمرفقات
افضل انكم تخزنون الصوره وتاخذونها معاكم لاني مالقيت لها اسم معين 🙂
عاااااااااااد لا تنسووني من دعواتكم لي ولاختي بالزوج الصالح عاجلا غير اجلا يارب العالمين 
