لمحبات الخرم درس صاروخي من الالف لي الياء لخرم الاذن(صور)

اليوم يا حبيباتي سويتلكم درس انا اييييييييييييه حق خرم الاذن 😆 idea:
اذا ناويه تخرمين اذنج او توج خارمتها راح تستفيدين انشالله وياي

اول شي لازم تختارين المكان المناسب و ما يكون في شحم مغطيه عشان تبين التراجي و تبرز و يصيرون حلوين

ثاني شي لازم تشاورين امج اول ريلج او اهلج لانه مو بس انتي تشوفيهم حتى اهمه و لازم يكونون راضين عليج قبل اي خطوه تسوينها

ثالثا و رجاءا رجاء حار لاحد يتليقف و يخرم اذنه بالبيت و يسوي فيها فاهم ..فديتكم حبيباني انتوا ترا خطر و اعرف جم وحده سوتها التهبت عليها اذنها و ما سوت عليها تراجي

و ابيكم تختارون مكان ثقه و احسن شي الصيديله و صراحه انا اتعامل معه صيدليه السره

هناك بساعدونج و يختارونلج احسن مكان للخرم و في حرمه بعد فا لا تحاتون

طبعا احسن طريقه للخرم اهي الابره بس نادر ما تلقين بالكويت و اصلا عندنا يسخدمون بس المسدس.. طبعا ما يعور ولاحد يتفلسف و يقول يعور.. ما يعور يا كثر ما اخرم اذني انا ولا اتالم بس يومين احس بضغط بعدين يروح

الحين بوريكم اذني اليمين

نيي للجزء الاهم و اهو ما بعد الخرم و ما ادراك ما بعد الخرم

بعد خرم الاذن راح يبدي يترسب دم و يفضل تاخذين من صيدلي نفسه كريم مضاد للالتهاب
تدهنيه بعود الاذن بدون لا تفصخين التراجي لمدة شهر

راح تسالوني شمعنه شهر لانه الخرم يعتبر جرح و الجسم نفسه بسرعه يبري الجروح بس بعد شهر تقريبا يبدي الجلد يتاقلم و تعامل معه الخرم على انه خرم صجي

نقطه مهما جدا اذا ما عجبج مكان الخرم او اهلج او ريلج ما رضوا عليه تقدرين تشيليه و يرد يلتئم بعد 10 دقايق يعني لا تحاتون و عندج مهلة شهر او اكثر على حسب جسمج عشان تقطين التراجي و يلتئم الجرح 😀

بعد الشهر راح تقدرين تلبسن تراجي بس مو مده طويله عشان اذن ما تسود و بهالفتره رح يكون صديقنه الصدوق هذا

و بنات عفيه حاولو تربطون شعركم شوي شوي عشان الشعر ما يسحب التراجي بالغلط بعدين تتعورون و بالنسبه للنوم انا ما اثر فيني وايد بس احتمال اول يومين راح تتاذون بس بسرعه يخف الالم

و الف سلامه و ما تشوفون شر ادري قرقت عليكم بس صدقوني هالمعلومات تعبت عشان اطلعها ما حبيت ابخل عليكم 😎