لولاي أحس بداخل القلب دقات ….ماكنت أصدق أن قلبي بمحله !

آه لو تدرين يا اغلى البشر
عن عذاب الحب فالوقت الظلوم
آه لو تدرين وش حط الهجر
في فؤادي من جراح ومن هموم
وعن شموخي في موادعك انكسر
انطفت في داخلي كل العزوم
وعن قدرنا آه يا مقوى القدر
ما بقي من وصلنا غير الحلوم
و عن غروب الحب بشروق الفجر
و حظنا اللي طاح ما اظنه يقوم

ناسٍ تشوف القرش هو سيد الأحباب
وفي دفتر الشيكات ربع وقبيله
وناسٍ تحب الهرج في كل من غاب
واليا حضر مثل الخليل و خليله
ولا قدرت احيا منافق و نصاب
مخادعٍ نفسي و نفسي عليله

عز إني من محبتك مليت
كيف آتحمل غلطتك واتنماك
ياكم أنا في ظلمة الليل ونيت
أبكي ودمعي ساريٍ من سواياك
مامر يومٍ صوب داري تعنيت
كل يوم أهين النفس ما أرضى بفرقاك
وش فايدة حبي لامن تماديت
أمشي بدرب تزرعه كله أشواك
خلاص لا تنطر إلا مني أقفيت
كنت آتمنى قبضة الروح وياك

مابقى للصمت فى صدرى مكان
ايه احبك قلتها والله يعين
لاتحسب كلمتى زلة لسان
الغلا مايحتمل شك و يقين
اللسان بساعة الشده حصان
والخجل مايبعده مسح الجبين
معك ينساب الحكى حب وحنان
وكل شده بس قدامك تلين

سلام يااللي لك معزه ومقدار
يا اجمل من اجمل قصيده
يا وردة تفتحت بين الازهار
تميزت في حسنها هي وحيده
ياعطر ما باعوه في سوق عطار
عطر ٍ جميل وريح ريحه فريده
يا الله عساها من طويلين الاعمار
هذي قمرنا والحياة السعيده

جيتلك مشتاق ياكل الهنا
جيت ابضحك وافرح بضحكت شفاك
جيت ابسمع غن لي احلى الغنا
جيت يكفيني من الدنيا هواك
جيت اضمك واستريح من العنا
جيت ابرقد في عيونك ياملاك
ياحبيبي اسعد الله هالمسا
ويصباح الخير ياكبره غلاك

ما على حكم القدر فيني إعتراض
أشهد إنه حكم من ربي إنكتب
إنكتب همي على صفحة بياض
وهاجت الدنيا بحرماني غضب
آهـ يا دمع ٍ من الآهات فاض
زحمة الدنيا خذتني في صخب
للفرح جربت أنا كل إفتراض
ولا لقيت إلا الشقا يا للعجب

آهـ لــو يدرون وش معنى الغـــلا
وش هو معنى الحب في دنيا الغرام
كـان محـدٍ لامنــي من هــالمـــلا
يــوم قلبي في هــواكــم مستهام
يوم أشــوفك ينجـلي عني البـــلا
تشـــرق الفـرحة وينـزاح الظـلام
إنتي أطيب قلب في دنيــــاي أنا
و إنتي أجمل حب عــلمني الكــلام
كـــل مـا شفتك أباقلك هــــــلا
مرحبــا و أهلين يـا أحـلا الأنام

مدري وش ارسلك احترت وياك؟!
كل الرسايل اللي مضت ماعجبتني
ودي برساله تفتخر في مزاياك
وأقول طيبك ياحياتي نهبني
وتدري وش اللي شاقني في سواياك
قلبك كبير وبالمحبة سلبني

حب اللي تحبه وعيش دنياك بأفراح
مهما تصد وتروح دايم في بالي
عشت الهوى وياك في جد ومزاح
والجد” أحبــــــــك “وأنت لاهي وسالي
ويوم إني أرسل وأسأل إن كنت مرتاح
ماهي بقطت وجه بس أنت غالــــــــــي

خذ ما تبي خذ مابقي من زماني
معاد لي في باقي العمر رغبات
خذ كل جرح ٍ منك فيني كواني
يوم أن لك في جرح قلبي ملذات
عذبتني وللي جرالي كفاني
نصيبي بدنيا الهوى جرح وآهات
في كل لحظة عشتها يا أناني
تبكي عيوني من صدى الهجر دمعات
وأنت بحياتك سالي ٍ ماتعاني
ماكن لي معكم من الحب وقفات

🙂

لو يعرف تلفونك وش فيني من الشوق
كان حتى على الصامت تسمع ونيينة

في داخلي للشوق قصة طويله
عنوانها ناس على الروح غالين
تزيد صفحاتها في كل ليله
وما تنتهي لين أجتمع بالمحبين
وأحكي لهم عن كل كلمه جميله
كتبتها فيهم بدمع من العين

فديت اللي من غلاته
تعجزحروفي توفيه
ماخلق ربي شراته
ولا نوجد من يوازيه
أعزه وأعشق صفاته
وأدعي الله يخليه
سعيد دوم بحياته
وحلال الرزق يعطيه

جمعت عمري من مرارته للياس
وجيتك ألم ياطول ياطول باعه
جيتك على كف الشـقا كلي اتعاس
مليّت من شرب الكدر و إجتراعه
جيتك وعشقي والغلا ماله قياس
من أول آهاتي لآخر نزاعه
رسمت بك ذاتي ودنياي والناس
ولونـّت بك موت العنا وإنقطاعه

يمين الله ما زاحم مكانك بالحشا مخلوق
لحالك مستبيح القلب تذبحني وتحييني
تسلطنـّتْ بحنايا الروح وشرّعت الخضوع طروق
رغم طول المسافة كنـّك بجنبي تباريني
وفيتْ لحبك الطاهر ولاّ خالفت فيه حقوق
كأني في يراعك حرف تكتبني وتمحيني
تطـمّـن يانظر عيني معك لين الزمان يروق
مصير العشق يجتاح الفراق وغصب يدنِـيني

غبت يا سيّـد زماني وماغدا بالعمر نيرة
الحـياة أشبـاه ناس ظيم وأوجاع ورزايا
رحت وأجتاحت ظنوني والفكر مليون سيره
مـحتويـني مع شتـات الكون وإسراف النوايا
والله إني مانسيتك كيف وعيوني بصيرة
وسط نون العين طيفك والجفون أصدق مراه
والله إن الصبر كايد والعزا ضيّـع مســيره
البخت حبٍ تمكـنّ والفراق أجزل عطايا

محظوظ من يهوى له إنسان يهواه
ومحظوظ من خله يراعي شعوره
يرتاح في دنياه وتهون بلواه
ومن روضة الأفراح يقطف زهوره
ماله شريك بدنية السعد وياه
كن الفرح مخلوق لأمره وشوره

أنـا السجـين بغـرفـه مـالـهـا بــاب
وأنـا الغـريـق فبحـر مجهول حـده
الصـمـت والدمـعـه وصـدك لـي أصـحـاب
وليل ضـرير مسامره مـا يــوده
رسـمـتـنـي في لوحة الذكــرى عـــذاب
طفـل يتيم ودمعـته فـوق خـده
يا صرخة الذكـرى كفى لـوم وعـتاب
أطوي خريف العـمر وجـرح المـوده

ويلاه من قلب تعذب بالأقداااااار ..
يشكي همومه كل صبــح وعشـــيه..!!
مــاني مـــخيــر بالهـــوى يومـــي اختـــار ..
لكــن تــزود بــي الأســـيــه أسيـــه..
ولا اقـــترفت ذنــوب تجـــلب لــي الــعــار ..!!
هــذا هوا قلـــبي وماهـــو بيـــديــــــه

أنــا الذي من لوعة الحب مجروح
أطوي الصبر كان العزا ماحصلي
كان الجسد يقوى على غيبة الروح
فأنــــا قويت اصبر على بعد خلي
مابين دمعن فوق الأوجان مسفوح
ومــابيـن دنيـــا أبعـدت صــاحبلي

حرام تحرمني من الصوت والشوف
وحرام تــذبحني بزهـرة شبابـــي
وحرام تقطف وردة الحب بسيوف
وحرام تهجرني وتخلف صوابي
لاتبتعد عني ترا القلب مخطوف
ماباقي الا الجسم داخل ثيابي!

يا مسا النور يا عطر المساء..
كيف أنا أمسيك يوم إنت المساء..
قلبي بذكراك والله ما نسى..
وإن نسيتك ما يطاوعني النسى..
ولو قطعت الوصل يقتلني الأسى..
الغلا بالقلب بأوتاده رسى..
يا عساك بخير يا سيدي عسى..؟

ولايهمك يا روح الروح اذا ناوي على النسيان
تناسى يا عسى البسمة تزورك يوم نسياني
وخـذ فرحي معك تكفى وعلمني على الأحزان
مـدام الـهـم جـاني مــنك أكــيد بتـحلى أحـزاني
واذا جـرحـي يسلي النفس عن وقت يهز ابدان
فداك الجرح يا عمري تسلى بنزف وجـدانـي
ولـكـن قـبـل تـظـلـمـني وتجازي ودي بالنكران
حـبـيـبـي افـهـم احـسـاسـي لأنـه حـيل أشـقـاني
أبـيـك ومــا أبي غـيـرك ولـو هل المطر خلان
أنا مـالي سـواك انــت ولـو غـــيـرك تـبـلانــي

لولاي أحس بداخل القلب دقات
ماكنت أصدق أن قلبي بمحله !
وأكبر مصيبه زادت الطين بلات…
ودي بشوف اللي له القلب كله….

متى حسيت بغيابي..؟
متى أثر بك عتابي..؟
برود الثلج أعصابك..
وأنا محروقه أعصابي..
خلاص أرجوك خليني..
تعب قلبي وبكت عيني..
تعلمنا من الدنيا..
وتغير كل شيء فينا..
أنا من وين ألاقيها..
من الدنيا ومن فيها..
ولا من جروحي اللي..
عجز قلبي يداويها..

فـــــي ذمتـــــــك مــــــاهز قلبـــــــك غيــــــــابي
ماشتـــــــــــقت ليـــــــــامي وذيــــــــك التعـــــــاني
شـــــف جــــــرحك إلــــــي مــــن عــذابك صفــــالي
شـــــف دمعــــــي إلــي مــــن غيـــــــابك هنـــــــــالي

غـلاك بضميري واضـح ٍماعليه اغبارii
تشيل الغلا نفسـي وأناعاجزامنعهاii
يقولون ماودعّك :قلت الفراق وصارii
والإنسـان روحه تنسلـب مايودعـهاii

ليتك بقلبي عايش زحمة الشوق
وتقدراحساسي اذا قلت مشتاق

الوقت ماله ذنب في ضيقةالبال
احباب قلبي هم سبب كل ضيقه
خلوني اقضي كل عمري بالآمال
مدري غلاهم كــذب والا حقيقه
يحتل قلبي هـم واحســاس قتال
ومن القهر بين الضمايرحريقه

نـسـيت ذراع .. للـصـدر لـمـك ..
و صارت لي أنفاسك اطياب و دخون

شـلـت هـمـي .. و يمكن زدت همـك .!!
و هـمـلت همومي لجل انك تصون ..

و لو تزعلني و تسقيني من سـمـك .. !!
و تحب غـيـري .. سوى.. دامك تمون

ابعتذر …
لو خانت لساني الحروف
بس ما اشوف
في داعي احنا نفترق
والسبه كلمه تحترق

يمكن اكون قسيت عليك
لحظه زعل
لحظه فقدت فيها الامل

احنا اشكثر
تزاعلنا ونرد مثل قبل
ياما اشكثر
شلي جديد ؟ .. شلي حصل ؟
ما ينهدم اللي بنيناه بعمر
لحظه زعل
ابعتذر

البال ما غيرك من الخلق مشغله !!
والشوق موجع وإنت ما فيك حيله !!
مشتاق لك قلبي وإذا ودك اسأله !!
وشـ لك بـ تطويل الكلام وقليله !!
من قال لك عذب وليفك وبهذله !!
عز الله إنه ما كسب بي جميله !!
بعيد لا احتجتك / قريبٍ ولا اصله !!
كنك تعلمني وداعك وأجي له !!!!

ونام في عروقي ودمّـي
تلحّفني دفا واتلحفّـك شـوق
تعال وقصّـر الأبعـاد يمّـي
تعال وناظر المكنون منطـوق
يا طيفٍ حتى لـو جانـي بـ همّـي
أبضحك ما بقت دمعات بـ الموق
يا صورهـٍ انثنت من كثر ضمّي
حبيبك بـ الوله ذايب ومحـروق
يفرّج همسـك ونجـواك غمّـي
أبي أرقد وسط عينك ولا أفوق
حبيبي ارقـد بـ قلبـي ودمّـي
تناديني ولَـه وآلبّـي بـ شـوق !!

انادمعه حزن سالت انا كلي ألم وأشواق !!
أنا قصة عذاب صرت وحدي عايش فيها !!
انا من هام في حبك وناظر خدك البراق !!
وشاف عيونك الحلوهـ سهوم الموت ترميها !!
انا يا للأسف يا زين صدري من فراقك ضاق !!
كوابيس تجيني مدري وشـ لون تاليها !!!!

كم قلت له :
إني أحبه ودونت ..
أحلى القصايد في مساهـ وصباحه !!
وكم قلت له :
ما دش في بالي إلا إنت ..
واسقيه من نبع الحب قراحه !!
لكن خسارهـ والخسارهـ من أعلنت !!
إني أحبه قلتها وبصراحه !!!!

يا صاحبي ما فادنا كثـر الأحلام !!
واللي بـ خاطرنـا عجزنـا نطولـه !!
ماتت أمانينـا علـى كـف الأيام !!
وحكم القدر فارض علينـا ميولـه !!
نمشي ورى والوقت يمشي لـ قدّام !!
ضعنـا وضيّعنـا كـلامٍ نقـولـه !!
نسهر وتسهرنا مقاديـر الأعوام !!
ودروبنـا متفـرقـة ومعـزولـة !!
العمر ولّى والبخت طاح ما قـام !!
الحـظ وقّـف والليالـي عجولـه !!
نصبح على همٍ ونمسي على أوهام !!
وضيم الدهر بـ الدرب نّـوخ ذلولـه !!
بـ أحلام عشنـا وافترقنـا بـ الأحلام !!
نحلم ونحلم مـن زمـان الطفولـة !!!!