لو احد ضرب ولدك وش تسوييييييييين؟؟؟

السلام عليكم ورحمة الله وبركاتة
كيفكم حبيباتي
بصراحه جاء هالموضوع في راسي لانه مر علي من يومين
نفسي اعرف ليه الام لما تشوف ولدها يضرب احد اصغر منه ما تتكلم وتاخذ ولده وتجلس ولا كأن صار شئ حتى اعتذار مافي 💡
لو احد ضرب ولدك وش تسوين ؟؟
انا طبعي ما احب اتدخل بين الصغار لكن لما يزيد الوضع عن حده الواحد ينطق
ادري طولت بس وربي مرتفع ضغطي وما ادري لمين اقول قلت مالي غيركم
والسالفه بعد المقدمه الطويله
اني دايم لما اجتمع مع جاراتي كل اولادهم يحبون ولدي ويلعبون معه الا واحد هو ولد جارتي اكبر من ولدي بـ11 شهر
دايم يضربه وولدي عمره سنه ونص ما يقدرعليه اصلا ما يعرف الضرب ويخاف
اللي قهرني اني كنت بغرفه ثانيه وسمعت ولدي يبكي بالمجلس ورحت لما دخلت لقيت جارتي ام الولد تقول والله ما اعقد ولدي ولا اضربه عشان اولاد الناس
قهرتني وهي عارفه ان ولدها يضرب ولدي وانا مارديت عليها طنشت وجلست العب ولدي
والكل ملاحظ حركاتها وحركات ولدها
احيان يمشي من جنبه ويشوته برجوله ويناظر فيني كنه يبي يقهرني
انا ما احب امد يدي او اقول شئ مهما كان جيران لدرجه اني كرهت هالولد
نفسي الاقي عندكم طريقه للولد وامه
احد قد مر عليه مثلي وش كان تصرفها معه
واسفه على الاطاله بس من قهري 😛
ومشكورين لو حتى برفع 😆 🙂