عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
انا عندي مشكله مره مزعجتني لدرجة اني ما صرت اقدر افكر من كثر ماني مهمومه
وطبعا مالقيت غير منتداكم عشان افضفض فيه وقبل كل شي ابغى مشورتكم تكفون
وخاصه اي وحده مرة في مثل تجربتي وقصتي هي
انا يا بنات ولله الحمد على خلق وجمال بشهادة الجميع بالاضافه الى اني قبيليه. وتقدم لي كثير
لكن للاسف ما صار نصيب مدري ليش في كل واحد يتقدم لخطبتي يكون هناك عيب قاتل ما اقدر اني اوافق عليه…..
الى ان جاء اخر عريس لي ماشاء اللله كله مميزات وعاجبني من كل النواحي وسألنا عنه وكل من عرفه اشاد فيه وفي اهله
وحسيت اني راح اعيش معاه حياه مره حلوه
لكن وللاسف طلع زي اللي قبله رغم كل مواصفاته الحلوه الا انه يا بنات مو قبيلي(خضيري)
ولما عرفوا اهلي مره عارضوا الموضوع مدري اش اقول لكم
انا بالنسبه لي ما يهمني النسب والاصل
بس اهلي هذا الشرط اهم شئ بالنسبه لهم محتاره اش اسوي يابنات
تكفووووووووون يا بنات اشيروا عليه وبخاصه البنات القبيليات
اللي متزوجات من غير قبيلي هل هذا الشئ
ياثر في الحياه الزوجيه والتفاهم وفي نظرة الاهل والاقارب والا ما يضر
هل اتوكل على الله واقبل؟ والا ارفض
دعواتكم الله يفرجها علي ويشرح صدري ويلهمني الصواب
