عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم
كيفكم يافراشات؟؟؟
جايبه لكم موضوع بنت خالتي اللي محيرها>>>>وبصراحه حتى انا محتاره معاها
الموضوع…..
بنت خالتي عندها ولد عم متربي في دوله غير دولتها وهما على كل سنه في الصيف يروحوا يزوروا عمهم بحكم انو كبيييير ومايقدر يخرج من بيتو
المهم تتفاجئ انو في الصيف اللي فات عمها يخطبها من ابوها لولدو طبعا ابوها انبسط وامها كمان
بس المشكله انو ولد عمها لساتو يدرس باقيلو سنتين (وهي دي السنه متخرجه من التانوي) وعمها قال لابوها الولد حيكمل دراستو ويبغا يكون نفسو لمده سنتين (لانو هوا يحب يعتمد على نفسو وما يحب ياخد من احد) يعني اربع سنين خطوبه وبعدين الزواج…….
المهم ساعتها ابوها احتار فجات امها قالتلو احنا ماحنقول خطوبه رسميه ونعلنها بس ادا البنت جاها احد فهي مو من نصيبو وادا ماجاها احد خلال الاربع سنين فهي له….
وطبعا ابوها وافق الراي (لانه في نظرهم عين الصواب) وسكت ابوها عن الموضوع ولمن رجع عمها يكلم ابوها ويسالو اش صار قال له ابوها بهدا الراي……………..
وطبعا عمها قال اوكي براحتكم
نجي للمشكله …
هي مو عاجبها هدا الشي لانها لين دحين ماهي عارفه وضعها مخطوبه والا لا هي له والا لا معنو تعليقات البيت كلهم له حتى ازواج اخواتها يقولوا ان شاء الله في زواج ………على ………. كدا وكدا..
وامها نفس الطريقه لدرجه انو الكل يقولها عندنا احساس انو انتي له واحساسنا وصل للتاكيد…
بس هي مو مقتنعه في راي اهلها لانها كانت ماخده الموضوع كتريقه(بالدات انو وصلها خبر انو يحبها) بس لمن الكل اكدلها على احساسو جلست تفكر بس لمن تتعمق في التفكير تقول انا يمكن مااكون له…..
المهم هي ماهي عارفه اش تسوي ومو عاجبها هدا الراي مع انو مقدره تفكير اهلها انو ما يبغوها تجلس اربعه سنين مخطوبه >>>>يشوفوها كتييييييره……..
فادا انتوا كنتوا في مكانها اش حتسوا ؟؟؟؟؟
تستنى ردكم بفارغ الصبر
