ليش تسوي فيني كذا ياخالي ؟!!

هذا أنا وخالي اللي أنا وياه بعمر واحد

تخيلوا يابنات وش اوصف لكم بسس عن مدى قربنا لبعضنا وربي من كثر ومعزتنا لبعض أكثر من تؤام
مو تؤام الا زي رووح وحده وربي فوق ان حنا نتشابه بالملامح نتشابه بالطبع بعد فصرنا فاهمين بعض
تخيلوا من يوم كنا بزارين وراسي براسه دايما نلعب مع بعض ناكل مع بعض ولايوووم أذكر تهاوشنا
علاقتي فيه أقوى من علاقتي بصديقاتي تخيلوا أقوله أدق أسراري أشياء ماأقولها حتى لصديقاتي

وتطووورت علاقتنا الين صار هوا خالي وصديقي وتؤام روحي

لاتلوموني اذا كثرت بالحكي ابيكم تفهمون قد ايش نعز بعض لدرجة بنات خالاتي الباقيات على حبهم لي يحقدوون علي ويلمزون بالكلام اذا مثلا جاب لي شغله او شي قالوا له : وش معنى هيه والا مايصلح نقارن نفسنا فيها ..هذي الغاليه..دلوعة خالها..

المهم يابنات بحياته خالي هذا ماجرحني واي شي خاطررري فيه يسويه لي ع طووول
مايتردد لدرجة نه سوى لي محل بأسمي ..
ويشتري اخر موديلات الجوالات ويبديني على الكل..

المهم وصلت درجة تعلقه فيني انه دمعت عينه بيوم ملكتي وهو يحلفني :
على اني مااخلي زواجي يكون سبب قطاعه ويقولي : مو بكرررره تتزوجين وتقطعين خالك اللي طوووول عمرك معه ترا مايجووز كذا حرررام لازم صلة الرحم وسكت شوي ودمعت عينه ويقولي: الله يلعن ابليسك اتعلقت فيك اكثررر من روحي يابنت..

المهم من بعد ملكتي وأنا أحس انه خالي تغير علي بشكل ملحوظ في بعض تصرفاته معي ومع اللي حوله
حتى جدتي اللي بحياتها ماشكت منه اشتكت وتقووول صارت اخلاقه ضيقه ومايتحمل الكلمه تمر على خشمه
و صارت حواجبه معقوده مع انه أنسان ماقد شفت بحياتي طولة باله على احد ووجهه سمح ولا بحياته عقد حواجبه !!
المهم أنا جاني مهري من فتررره وبما نه اخوي الكبير مشغول والثاني موظف بالشمال بعيييييد مررررا

فما فيه غير الخالو يوديني السوق ويجيبني بطلب من أمي
هو ماراح يقصر معي ابدا بس انا صررررت أكش منه شوي بسبة أخلاقه اللي تغيرت فجأه 180 درجه

والله يابنات انه أنا ماحسسته بأي تغيير ولا شي

اللي صدمني وقهرررررررني وقطع قلبي تقطييييع

الموقف اللي صار البارح :

كنت رايحه أنا وياااااااه لحالنا نتسوق أقضي لي أغراض

المهم:
وقت كنا بالسوق كنا نسولف ونتكلم عادي ونضحك ومابالخواطررر شي ابدا
وكنت اسولف معه واضحكه وابي ارفه عنه لاني احس بخاطره شي كايد علي بس مايتكلم
المهم يابنات وربي اني مستتره بالسوق و فوق ماتتصورون عباية راس ومستتره بشكل كامل
مو عشان خالي هذا معرروف بالغيره الشديده ..مايحب ا وحده فينا يطلع منها شي..
لا عششان ربي وعششاني استحي..
المهم احنا طولنا بالسسسسسوق وبعد ماطلعنا رحنا مطعم وتعشينا
بعدين رحنا البحرر ع اساس نجلس 10 دقايق بس عشانه الجو حلو البارح بسس
المهم هو أعجبه الجو و سحبها نومه لاشعوريا وانا طفششششت طفشش
وخليته ينام ربع ساعه وصحيته وطلبت منه يوديني البيت لانو امي بدت تزعجني وينكم وينكم..
صاررت الساعه 12 وهو سحب النومه ولانه نومه ثقيل اكلمه شرق يكلمني غرررررب
أقوله خالو والله أمي بتهاوشني يلا .. يقولي: طيب طيب المدير يكلمني اصبري ..
يعني مافيه امل يصحصح قمت انا وجلست اجرجر فيه عشان يصحى
وبعد عناء صحى

وركبنا السيارره وشغلها ونام ..

قمت اصيح عليه يلا خل نررروح بيتكم ونام ..ولان بيتنا بعييد حق ساعه الا ربع عن البحر وبيت جدتي ربع ساعه بسسس
اتصلت على امي وقلت لها:
انا برووح انام عند جدتي لاتنتظريني لان خالي تعبان وفيه نوم .. وبجي بككككره..
قالت امي : اووكي..
المهم ..قام وعيووونه مفتحة وهو نايم ووانا اتششششهد بسس يسووووق السياره مسسسسرع
مررره أنا أنبهه للطريق .. وربي انه كان نايم وهو يسووق
المهم ووقفنا عند الأشاره وانا على بالي هو نايم
مو منتبه للأشاره
انا لافه راسي واطالع جهة الأشاره انتظرها تجي خضرا عشان انبهه يمشي لاني تعبت من السوووق والمشي والجلسه بالسياره بعد ابي انام وشايله هم اغراضي الكثيره اللي بالسياره كيف انزلهم وخالي بيمسسسك المخده طوالي..
وكنت مسسسرحه واطالع بالأشاره فوق ومافي رااسي اي شي ابد ابـــــــــد ابـــــــــــــــــدا
الا وتجي سياره جنبنا بالظبط ويلتفت الشاب اللي بالسياره جهتي وانا مانتبهت له عيوني فوق بالأشاره ومع هذا غطوتي ثقيله لدرجة يالله اشوف منها
طلع مين اللي انتبه له ؟!!
خالي اللي نايم
وصااح علي بدووووون مقدمات: لعن الله ذا الوجه 😐

انا مارديت أحسبه يقصد الشاب ..صاح وهو يطالع بوجهي ويأشر بوووجهي بعصبيه وانفجر يقول : لعن الله وجهك انتي مو هو

بنات وربي أحسسس جسمي كش علي وانطميت وربي مارديت حرف واحد ابدا
نزلت دمعه حااااره من عيني وسكت
ماقلت شي
أحس اني انهرت وانظلمت من أعز انسسسان
اللي طول عمري انا ويااه شي واحد يعرفني اكثر من روحه
يعرف اني انا مو حقت خرابيط زي كذا ابدا
ويعرف اني مسسستحيل اكشف عيوني لاني استحي مررره فما بالكم اطالع برجال واحط عيني بعينه
بنات مدري احسس اني انهرت تماما ورجولي ماعاد شالتني واحمد ربي اني مسسسكت نفسي ذيك اللحظه وماتكلمت ومابينت له اني انهرت
المهم هو انتبه لنفسسسسه وسكت مرره ولاحرف نطقه عقبها بعدين هو مايدري اني كلمت امي وقلت لها ابي انام عندهم..
لانه كان نايم ..ومادرى اني كلمت امي..
المهم :نزلني عند بيتنا وكانت الساعه وحده بالليل
وراح ..
أنا طلعت الدور الثالث للشقه حقتنا
وأكتششف انو امي قفلت الباب من جوا ع أساس اني بنام ببيت جدتي
خلاص..
وأنهار ونجلس ع الدرررررج أبكي وأبكي وأبكي وأطلع اللي بقلبي
من قووووة الموقف اللي صار لي
وبالموقف اللي حطيت نفسي فيه.. انا الحين مقدر اطق الباب عشششان العماره هاديه مرررره
بس اسمع اصووات شباب يلعبون ويصيحون بالدور اللي تحت على طوول وخفت اطق الباب ويطلعون لي..
والحين انا جالسه برا ومتخبيه بطررف الدرج واهلي نايمين وجوالي طافي بطاريه وخالي نزلني ورررراح وتركني وظلمني وبهتني وماسأل فيني 😛

انا قلت الحين خالي بيتصل على امي يطمن علي..وبتدري امي اني برا وبتفتح لي..
وطلع لاسأل ولا شي وتمر ساعه وأنا جالسسه ابكي والعن حظي وتصير الساعه 2 الفجر
وانا جالسه ع الدرج
واجلس افكر وأفكر وابكي وعقلي مشتت وخايفه
وانا ابكي افتش شنطتي ادوور منديل الا الاقي جوالي حق الزواجات الي بدون كاميرا بجيب شنطتي وربي ماتذكر اني حطيته بهالشنطه بس الحمد لله رب العالمين بغيت اطير من الفرحه
وقمت وركبت شريحتي فيه واتصل على امي والاقي جوالها مقفول وابكي زياده يافرحه ماتمت
واتصل على اختي ماتررررد واجلس اكرر الأتصال ع اختي لمدة نص ساعه وبدا الجوال يقول لي البطاريه ضعيفه
وخفت قمت اتصلت على خالي نفسه ولقيت جواله مقفول
ماكان لي خلق عليه وكارهه اشوفه اصلا بس ابيه يدبرني
وصارت الساعه 3 ونص الفجر وانا رجعت احاول اتصل ع اختي وامي
ومحد يرد..
وكررت الأتصال وبأي لحظة عارفه انه الجهاز بيطفي بطاريه
واخيرا تررررد أختي وأنا اصرخ فيها:: افتحي لي الباب :: والا يطفي الجهاز بطاريه عاد مدري سمعتني او ماسمعتني !! 👿
الا الحمد لله طلعت سامعتني وجات تفتح لي الباب..
وربي مادخلت البيت الا الساعه 4 الفجر..
تخيلوا موقفي يابنات
أنا ماقلت لأختي الحقيقه..
قلت لها انا كنت اتصل عليك من بيت جدتي ابي اجي مابي اجلس عندهم
مارتحت هناك وقلت لخالي يجيبني..
قالت : انتي وش فيك متضايقه ؟!
قلت وانا اتبسم: ابد مو متضايقه الا مبسووطه بسس مررررا تعبت بالسووووق..
وبعدها تحممت وصليت ونمت وانا دمعتي ع خدي
ويوم صحيت الظهر الا جوالي فيه 14 اتصال من خالي يبي ارد عليه
ومرسل لي رساله يطلب فيها الاب توب حقي وهو مايبيه,,, بس يبي ارد عليه ..
والحين انا جالسه اكتب لكم اللي صار وهو قاعد يتصل وهذا خامس اتصال
وارسل قبلها رساله يقوول:أنا أعتذر سامحيني أنا لي أسبابي << مافيه اي سبب يبرر له اللي سوووواه فيني..
مدري ليش فجأه قلب علي
مدري ليش فجأه كررهني
مدرررررري وش اسووووي معه ومع ازعاجه لي بالأتصالات
خلاص انا مابي اسمع صوته لان صوته للحين يرن في اذني وهو يلعني
ولا ابي اشوووفه حتى ..
كرررهت أعز انسان بحياتي
اللي ياما وقف معي ودللني وحببني بالدنيا كلها وماكان يرضى ابن امه او اي مخلوق يتكلم علي بحررررف واحد..
يجي هو ويطينها..ويتلفظ علي بأبشع كلام وأبشع اتهام..
بنات أنا مدرري وش اسوي
يمكن الموقف بسيط .. بس معزتي لهالأنسان خلتني اشوفه موقف كبير منه
مدري يابنات وجهوني
أبي أواسي نفسي وماني عارفه كيف حتى استوعب اللي صار..
ليييييييييييش اعز انسان سوا فيني كذا؟!!!!!