عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
أنا عندي مشكله وماني عارفه كيف أحلها
أنا حساسه مره و أتأثر من أي موقف بسرعه و إذا زعلت
بطني تعورني – و أقعد أبكي – و ما أكل طول اليوم – وجههي يصير كله حبوب – و انحف – وبس أنام عشان أنسى – و ما اٌقدر أحفظ ولا أذاكر دروسي إذا كان الموقف مرررررررررررررررررره محرج أو يزعل .
الموهم المشكله انو أنا عندي صاحبه تقريبا صحبة 4 سنين وكل سنه تزيد الصداقة و الصحبة
بس هذي السنة حسيتها بدأت تكرهني ما أدري ليه كلامها معاي حلو بس تصرفاتها غريبه أحسها تطنشني تسوي نفسها ما شافتني ما تسلم عليا إلا إذا سلمت عليها وما تتكلم معاي كثير ولما أكلمها أحسها مو معاي تفكيرها في شيء ثاني بس تقول ايوه وما تعلق .
الموهم وقت الفسحه من أول ما تصفر ما تستناني تنزل على طول مع الشله و أنا أنزل وراهم زي الشحاتين ويشتروا لبعض وما يسالوني اش ابغى
واحس الشله ما تصدق على طول تروح معاها ويطنشوني
وإذا أنا طلعت قبلها مع الشله اقلهم يلا ننزل يقولون لا نستناها .
في وقت الصرفه على طول تنزل من الفصل قبلي وما تكلمني وتلبس عبايتها وتروح وأحيانا تقعد مع البنات تاكل وما تستناني .
وإذا اتصلت عليها أحيانا تطنش وما ترد وإذا دقيت من رقم غريب ترد عليا على طول
وإذا بغت حاجه ما تكلمني ترسل رساله ويكون كلامها حلو في الرساله
أنا أحسها بدأت تكرهني وتحب بنات الشله أكثر من مني
ما أدري ليه ؟؟؟؟؟؟؟؟؟؟؟؟؟؟؟؟؟؟؟؟؟؟
إش الحل إش أسوي ؟
كل ما صار لي موقف زي كذا أزعل و يصير كل يوم
أنا ماني فاضيه أنا توجيهي بس ماني قادرة أتحكم في نفسي
ومافي أحد أقعد معاهم كل الفصل شلل مع بعض
الله يسامحها يارب
عن safa tmtm
شاهد أيضاً
يابنات انا مشكلتي مشكله عويصه ساعدوني الله يخلي لكم اللي تحبونه ويحقق لكم امنايتكم
السلام عليكم ورحمة الله وبركاته كيف حالكم ان شاء الله طيبين يابنات انا مشكلتي مشكله …