عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته:
اولا كيفكم ان شاء الله تكونو بخير
وكل عام وانتم بكل خير
بس اقرو هالسالفه بعد اقول اللي عندي
ام عبدالرحمن خطبو لولدهم وقربت الملكه وهم خلو الوضع مانشرو الخبر
ام عبدالرحمن قالت لزوجها بس بخبر قرايبنا اخاف يسمعو ويزعلو منا
ابو عبدالرحمن: لاتقولي لاحد ولاتعزمي احد الا لمايصير شي رسمي
وبعدين كيف يعرفو واحنا ماراح نقول لاحد
ام عبدالرحمن بس بقول لام محمد اخاف تزعل مني
زوجها عصب وقال :كفايه اللي صار اول مره انتشر الخبر وماصار نصيب .وكله منكم يالحريم
ولدي خطب وبنتي تزوجت والله ان سمعت شي طلع من غير ماقول لك مايصير خير .
سكتت ام عبدالرحمن لان ماعندها غير السكوت
………………………………………….. ..
ام محمد لام سعد
شفتي خطبت لولدها وما قالت لاحد شافيتنا اغراب تخبي عنا
ام سعد: متى خطبت له ماسمعت شي
ام محمد:الا خطبت له من زمان وقبل شهر رمضان راحو لاهل العروس علشان تشوفها
ام سعد :غريبه ليه ماتقول لنا
ام محمد: ياختي هي عادتنا اعداء لها ولا الناس كلها داريه عن الخبر
ام سعد: انت من قالك
ام محمد:بنتي صحبتها تعرف اهل العروس وهم قالو لها<لاحظو صحبة بنتها !!
ام سعد:اي صح انا جيتهم قبل رمضان وما لقيتها وبناتها قالو راحت مشوار.
ام محمد:شفتي انهم متعمدين يخبو علينا
ام سعد: طيب حسابها معي
ام محمد: اي وانا بعد زعلانه منها وما راح اسكت لها
حسبي الله عليها ..اجل احنا تخبي علينا انا اقرب الناس لها والناس الغرب كلها عارفه..
وجلست ام محمد تعبي راس ام سعد ….
………………………………………….. .
ام عبد الرحمن بدت تدق على حبايبها بعد ماحددو موعد الملكه وبعد ماعطاها زوجها الاشاره الخضراء
وتفرحهم بالخبر وتعزمهم .
وراحت لام ام محمد على بيتها لانها ساكنه قريبه منها
وكان عندها ام سعد
سلمت عليهم وماعطوها وجه
وقالت على الخبر وهي تعزمهم
ام سعد:زين والله تذكرتينا وخبرتينا يام عبدالرحمن الناس كلها داريه وانت توك يطرى على بالك
تخبرينا وتعزيمنا
ام عبدالرحمن باستغراب :احنا ماقلنا لاحد وتوي بديت انشر الخبر واعزم عالملكه
ام محمد وبحقد ممزوج بطيبه مصطنعه: اي والله صادقه ام سعد الخبر منتشر وتونا نعرف
والله انصدمت وقلت اكيد كذب لانك مستحيل تخبي علينا .
ام سعد:تتكلم وهي معصبه :والله ماني حاضره ملكة ولدك وانا قبل شهر جيت عند بناتك ولما اسالهم عنك
مايقولو لي :ليه ايش سويت حتى تخبي علينا
ام عبدالرحمن:اذكري الله والله احنا ماخبرنا احد قبلكم احنا ناس وحده ومافي الناس تعرفه وانتم لا
:ام سعد:تبغيني اصدقك والخبر من زمااااان منتشر ،،والله لاخبطت لولدي ماراح اعزمك على ملكته
ام عبدالرحمن:عصبت وقالت:لاتحضري ولاتعزمني …واللي علي سويته وانتم بكيفكم وررحت عنهم وهي تكفكف دموعها من القهر والظلم
………………………………………….. ………………
ولماصار الزواج بعد كم شهر
كانت ام سعد تساعد وتبدي رايها ومبسوطه معهم ومافي نفسها شي وتتريق على العريس وعلى اخواته كانهم عيالها
اما ام محمد:تناظر بحسد وتراقب من حضر ومن ماحضر وتحاول تشوف شي مو زين علشنا تتكلم وتعايرهم به بعدين..
………………………………………….. …………………………………………
تعرفو ليش ام سعد حضرت وهي مبسوطه لانها صريحه وماعندها نفاق وقالت اللي في نفسها
وماقالته بحقد قالته بقهر ليش يخبو عليها وهي تحبهم .
ام اما محمدمناااااقفه بس عبت راس ام سعد
وكل ماتسمع شي تخبي في نفسها وتقعد تحش في خلق الله
وللااسف هالنماذج كثيــــــــــــــــــــر في مجتمعنا
يسعو في اخبار الناس ويطاردو وراها ويجلسو يظنو ويشكشكو وهم مبسوطين
لانها لقو شي يمسكوه عليهم بس بدون عتاب
يعني المفروض لما نسمع شي نروح نسال صح هالكلام واذا خبت ممكن نزعل لاننا سألنا صاحب الشأن مو نزعل على عمانا …
طبعاهذا نوع من انواع النفاق
بس ليه تفشت هالنوعيه من الناس
:::::::::::::::::::::::::::::::::::::::::::::::::
ليه نستنى الغلطه على بعض ليه مانعاتب مايقولون العتاب صابون القلوب
ليه بعض الحريم تاخذ من هذه وتجرها بالكلام وتروح تنقله لفلانه وتاخذ منها كمان وتوصله لمدري مين
واحنا نصدق كلام يوصل من فلانه وعلانه ونسوي مشاكل من الاساس مالها داعي
وكل هذا لاننا عطينا ابو وجهين فرصه يخرب بينا ويشككنا في بعض
ـــــــــــــــــــــــــــــــــــــــــــــ
وعلى فكره في شي ساعد في تفشي نوعية هالحريم هو الرجال الرخمه اللي وجوده مثل عدمه
جعلهم للانقراض هالرجال بس ياخوفي مايبقى رجال بعدين
والله صارت عندنا مشكله قبل كم سنه اخواني قالو وحده اسمعها تتكلم مايصير خير
بس تعرفو من كبر هالمشكله حريم عندنا على كيفهم
حسبي الله ونعم الوكيل ورب النعمه صارت قطاعه في العيله
بسبب هالحريم اللي رجالهم طراطير معهن والطامه الكبرى ينقلو لهم حكي ويسمعو منهم
ووهي بالاصل مالها دخل بالسالفه بس لانها فاضيه زوجها جايب الخدامه ومريحها ولانه ريموت تتحكم فيه ..
وفيه بعد ناس غير شكل تسب فيك وتكرهك ولاجل المصلحه تمدح فيك وتحلف لك انك غاليه عندها !!!!!!!!!!!!!!!ماقدر احط الاتعجب من الناس اللي ماتخاف الله
ولو بتكلم عن هالناس لين بكره لان قلبي محروووق اخ يالقهر
.
بس نصيحتي
*انتبهو يابنات لاتعطو احد فرصه يخرب علاقتكم باحد
حتى لو صارت مشكله لاتتكلمي ابد ابد ابد
تعرفو ليش لانك تكوني معصبه وهالناس يصطادو في الماء العكر
يجروك بالحكي <وهذا صار لنا للاسف <وبعدين يقلبو عليك
*والناس اللي لسانها حلو بزياده كونو حذرين ومتحفظين معهم
وولاتغرك وحطيها تحتها مية خط المظاهر والمناظر
وانتم اللي مهمتكم نقل الحكي خااافو الله نسيتو حديث الرسول صلى الله عليه وسلم
(لايدخل الجنه نمــــــــــــــــــــــــــــــام)
والله ما تعبت نفسي وكتبت هالكلام الا من ماشفت وحبيت انصحكم
وترى هالقصه صدق بس انا بهرتها وملحتها من عندي ..
وابشركم انا تعلمت من اللي صار لي وان شاء الله تستفيدو .
واتنمى كنت خفيفه وانا كلامي الملخبط بس ماعليه اهم توصل الرساله
وسلام عليكم 
“غيرت في الالوان علشانك يابتووول 
