ليه اعيش واتعذب ترى غير قبري محدن يبيني

بيت من قصيده شعريه استوقفني وخلاني اقراه مره بعد مره بعد مره

حسيته وصف مثالي لحالتي

لانه بالظبط احساسي من فتره طويله جدا

بعد موت امي الله يرحمها ويغفر لها ماعاد حسيت انه في احد جد يحبني ويبيني
كرهت نفسي وكرهت الناس وكرهت كل شيء

صاير عندي اكتئاب مو طبيعي

اتعرضت لمواقف كثيره كرهتني بهالدنيا

واحد منها كان قبل شوي …كنت اقيس فستان لعرس راح احضره بعد بكره الخميس لواحده من اعز صديقاتي…

لبسته بعد ماشريت الفستان وشريت الشنطه والاكسسوار وا وا وا

دخلت اختي وشافتني
وقالت لي كلمه

“حامل رسمي”

انا طبعا ماتتخيلون قد ايش الانكسار اللي انكسرته من هالكلمه

طلعتها من غرفتي وقفلت الباب بالمفتاح

ارتميت على سريري وقعدت اصيح واشاهق واتذكر كل مره احد تمسخر او تطنز على شكلي وابكي اكثر

مااذكر مره بكيت بهالحرقه على هالموضوع

كلمتها كسرتني وحطمتني

تمنيت امي تكون موجوده بس دقيقه تهون علي

وبعدين قعدت افكر…من متى وخواتي اصلا شافوني زينه ولا حلوه ولا مني فايده؟؟

طول عمري وانا قاعده انهان واتعذب من الناس بسبب مشكلة وزني

محد تقبلني مثل ماانا…محد يبيني مثل ماانا..حتى خواتي ماقدروا يتقبلوني بهالشكل

كل اللي يبونه مني اني انحف…وبعد ماانحف بيصيرون يبون اشياء ثانيه مني..

عمري ماراح اصير كويسه في نظرهم ولا أملي العين

صدق صدق صار ماحد يبيني غير قبري

انا تعبت من هالعيشه..توني 20 سنه بس كل يوم عن يوم اتعب اكثر واكره نفسي اكثر

واشتاق لقبري اكثر واكثر