عالم البنات النسائي كل ما يخص المرأة العربية من ازياء وجمال والحياة الزوجية والمطبخ
بسم الله الرحمن الرحيم
سلام عليكم ورحمه الله وبركاته
كيفكم ياحلوات
ارجو من المشرفات عدم نقل الموضوع
لاي قسم اخرى علشان ابي اكبر شريحه يشوفونه من العضوات وهذا القسم هو انسب مكان له
الموضوع ومافيه راح اختصره لكم
بجد شي محزن في هالمنتدى
يعني ماتوقعت في يوم من الايام اني
بأحصل بعض البنات يكتبون مواقفهم مع ازواجهم …
بكتب لكم تجربتي من خلآل تصفحي لاكثر الاقسام ادخلها ويمكن هذي اكثر الاقسام
طبعا نبدء بقسم الحيآة الزوجيه وماادراك ما الحيآه الزوجيه
تجيك وحده توهآ مسجله وتوهآ صآحيه من النوم <<على قول بعض النآس
وعلى طووووول سيده تجي تكتب لنا وش صآر معاهآ ومع زوجهآ فوق السرير ؟؟؟؟!!!! ليلة امس
اكيد انتو عآرفين وش اقصد ؟
يعني معقووول لهدرجه ماعاد فيه حياء؟َ؟
لاوبعض البنات مؤيدينها عادي تكتب لنا حياتها علشان نستفيد ونضحك ؟
على ايش تسفيدو وتضحكون على خيبتها ؟
القسم يدخله كل من هب ودب شباب ومراهقات ومراهقين ويمكن حتى عجايز
يعني وربي عيب عيب عليكم تكتبون مثل هالموضيع وثانيا حراااااااااااااام انك تفشين بسر من اسرارك الزوجيه
احترمو الناس اللى قاعده تقرا لكم
وربي مواضيع تافهه جداً ..الصرآحه مدري كيف للمشرفات ساكتين على هالمهزله اللى تصير في القسسسسسسسسم ؟؟َ!
والاتجيك وحده توصف لنا وشلون الحركات اللى تسويها مع زوجها في الجـ … وتعلمنا ان زوجها يسوي ويسوي معاها اكثر من مليون طعش مره في اليوم ؟
بعدين جات بنت تسألها هل هذا طبيعي
تقووول لا الطبيعي لازم يومياً؟
وش هالعقول بالله مآشآء الله اختصاصيه ثقافه جنسيه تعرفين كل شي يالدريع
طيب افرضي ان هالبنت اللى سألتك طلع عقلها صغير وشكت في رجوله زوجها وتهاوشت معاه وتطلقت منه ؟
يعني علشان كلمه خربت البيت كله
وفيه آموور كثييييييييير وكثييييير تحصل في هالقسم وماخفي كآن اعظم
والاتجيك ردود البنات استغفر الله العظيم
تسد النفس تحسين انك ماتودين تفتحين الموضوع من الاسآس …
نروح لقسم العرووسه و الازياء
في وحده طبعا من مشتريات العررووسه
طبعاً من جهازها حاطه حتى كلوتاتها !!! 😐
يعني مآدري وش الحكمه والفايده من وضع اشييييييييياء خآآآآصه جدا؟
لآتقوووووووووولين تبين تفيدين البنات
البنات يعرفون وش يختارون وكل وحده وذوقها
اما توصل لاشياء خآآآصه ..؟
في الاصل مايشوفها الا هي والزوج
فكيف ترضين تحطين اقمصة نومك وملابسك الداخليه على الملا ؟؟
والاوحده حاطه فستانها وتبي البنات يضيفون لها شي علشان تعدل الفستان
تجي وحده تكتب واااععععععععع وش هالفستان الله يقرفك لو رميتيه في الزباله كان احسن لك ؟؟ والثانيه تقول لو احصله بريالين مااخذته ؟
طيب ماسألتكم ندري انكم ماتاخذون الا من ايلي صعب او زهير مراد هي قالت تبي تضيف على الفستان شي وتجون تعيبون فيه ماقالت خذوه لكم
مدري وش هاالعقليات للأسف الشديد ؟!
نحوول الحين على قسم البشره
هنآآ في هالقسم قمة التناقض في البنات
تجيك وحده تكتب موضوع بنات وش رايكم وش احلى البشره السمرا والا البيضاااااااااا
طبعا اكثرهم يقولون وع مانحب البياض ومدري ايش مافي احلى من البشره السمراء او البرونزيه وتكون صافيه اوكى كذا اتفقنا تمام 😆 🙂
تجيييييي وحده تحط موضوع بنات كريم يجنن يهبل واااااااااو روعه يبيض ويفتح في يوم ويهبوون البنات عليها
هاتي اسمه هاتي رقم الحرمه هاتي رقم الصيدليه هاتي رقم الهندي بكم سعره وكم عمره ومن وين اشتريتيه بسرعه الله يخليك ضرررررروري بكره زواجي ردي على الخاص تكفين <<ترفقي بعمرك
والمشكله نفس البنات اللى يقولون نحب البشره البرونزيه ؟؟ 👿
اجل ليه التبييض وانتي تحبي اللون البرونزي 😆 hy:
نتجه الى قسم افتح قلبـــــــك
طبعاً هالقسم مآشآء الله صار قهوه افتح قلبك
يعني كل من هب ودب يجي يكتب لنا قصه مؤلفه الا من رحم الله طبعاً
تجيك وحده تقول حـبيبي هددني بصوري وش اسوي ونفس الكلام البنات يقولونه لها وحرام وماادري ايش وبلغي الهيئه..وينتهي الموضوع لحد الحين وهي يمكن كتبت الموضوع فعلاً علشان البنات يستفيدون ولا يقعون في نفس غلطتها..والثانيه تقول رجاء لاتجرحوني بكلامكم تحب واحد ومدري وش سالفته طيب تدرين انك على غلط ليه تقولي لاتجرحوني فأكيد مليون بالميه تعرفين على نفسك انك غلطانه علشان كذا تخافي من ردود البنات السلبيه عليك.
تجيك بنت ثاني يوم تقول بنات حبيبي 😥 😉 تركني وش اسوي ياااربي بتقطع:P
مااقوى فراقه ➡ مااقدر اعيش بدونه ❗
هو كل حيآتي 😡 هو كل عمري:)
يخآف علي حتى اكثر من ابوي وامي وجدي 😐
نعنبووووووو بليسك صحصحي وش حب وماحب ويحبك ويخاف عليك اكثر من اهلك هييييييييي صحصحي وش ذا الكلام الفاضي ؟!!!!!
بالله واحد من الشارع بيجي يكلمك ويحبك ويخاف عليك اكثر من اهلك ؟
لاوالله اللى تقول كذا كذاااااااااااابه وتجي تواجهني هنآآآآآآآآآآآآآآآ
لآن اصلاً مابني على بآآآآآطل فهو بآآآآآآآآطل …
نجي لقسم المكياج والعطوووور
تجي وحده تسأل نفس حركة البشره البيضا والبرونزيه
وحده تحط صور فنانات مكياجهم شوي قوي بس حلو ومرتب يقولون وعععععععععع وعععععع الله يقرفهم وش ذا مافي احلى من المكياج الهادي
وتحصلينهم اذا راحو كوافير يروحون يحطون 9كيلو مكياج يقولون لا الهادي ماينفع في المناسبات ؟!!! وش هالتنقاض
الشي الثاني شفت كثييييير ولاحظت كثير
في التهجم على العضوه من خلال رفع موضوعها والتهجم عليها حتى انا صارت لي مع بنات مايستحون وقليله فيهم كلمة قله ذووق وادب واحترام
والله والله العظيييييييييم جات بنت تنصح ومسويه دآآآآآعيه وبقوووووووه
بدون ذكر اسماء هي اكيييييد تعرف نفسها الهبلا مع احترامي للقرءات
تجي تفتي على راسي حرام ومايجوز واتقي الله ومدري ايش كلام مرره قوي
اجي بعد يومين اشوف لها موضوع تقول
يابنات وين احصل الباروكه؟
لان عندي عيد ميلاديوابي البسها ؟
قالو لها البنات حرااام اختي الباركه وعيد الميلاد قالت ايه ادري انه حرام لكن احنا يالحضرررر عادي عندنا نحتفل ؟
مو هذي المطوعه اللى كانت تفتي فوق راسي؟؟ 😳
المشكله انها بتسوي شيئين بعد عيد ميلاد وباروكه ياليييييييييل التخلف والتنااقض 😥
طبعاً هذي الاقسام اللى اكثرها ادخلها
اما بقيه الاقسام ماادري عنها
يعني اذا عندكم شي ودكم تضيفونه لايردكم الا الكيبورد
واي وحده تجي تبي تنتقد كلامي وانه هي الصح وانا الغلط رجاااء لااشوفها هنآآآ
هذا رائي ..ووجه نظري في بعض البنات
والله يهديهم
هدفي من الموضوع
ابي من بعض البنات يرتقوون بفكرهم وكلامهم واسلوبهم شوووي
وقبل لاتحطي اي موضوع شوفيه مرتين ثلاث مليون هل ينفع انك تنزليه اولا؟
يعني موووو كل من هب ودب تنزليه حتى اشياءك وحياتك الخاصه
اقسم بالله اني استحي يوم اشووف مثل هاالأمور والكلام فمابالك تجي بنت لسى ماتزوجت اومراهقه وتشوف هالكلام الفاضي ؟!!
تقولون نبي نستفيد استفيدو ماقلنااا شي
بس ماتوصل لهالدرجه ؟
يعني عندك كبت لاتجين تطقطين فوق رؤسنا
روحي فضي كبتك في اي مكان ثاني..
لاتقولون اني مبالغه او حاقده ع البنات وش بيني وبينهم علشان اسوي كذا
واذا انكم شايفين كلامي فيه مبالغه روحو لاقرب قسم وشفو الردود كيف والمواضيع
وانتم احكمو بأنفسسسسسكم
شي مضحك في النهايه علشان تستانسون ههههههههههاي
في بنت في قسم الديكور او المنزل منزله موضوع تقول البرداه حقتها
فيها مشكله وتبي حل
دخلت بنت كتبت يجنن هههههههههاي
مدري وشهو اللى يجنن <<–هذا يدل على انها قاريه الموضوع
هههههههههههاي بس وربي ضحكت من قلب على هالرد
وخير مااختم به كلامي الصلاةعلى النبي
اللهم صلى وسلم على محمد وعلى ال محمد
والسلام عليكم ورحمه الله وبركاته
