عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
كيف حالكم جميعًا ؟
متابعة لكم من زمان , وكانت لي عضوية بس ما أدري وش سالفة الياهو !
مالكم بالطويلة ,
جايتكم اليوم وفيني حاله ما أدري وشهي هالحالة !
أنا طفشت من نفسي!
ما صرت أعرفني ولا أعرف وش أبي!
ولا وش في قلبي!
أتمنى تساعدوني 🙁
بدايةً أنا مخطوبة وسوينا عقد وشبكة وكل شيء تم الحمد لله
وصار لي تقريبًا شهرين ,
خطيبي يزورني ويكلمني ويراسلني دايم
بس مشكلتي ما أعرف أيش اللي في قلبي تجاهه ؟
يعني أنا ما أكرهه ولا أحبه زي ماهو يحبني !
ما أشتاق له كثير !
ولا أرسل له دايم , هو اللي يسبقني بالرسايل
وما أعرف وش أرد عليه , ما ألقى شيء في قلبي عشان أكتب له !
أضطر أحيان إني اقتبس , وفي البداية كنت اقتبس بس بعدين لمّح لي أنه يبي كلام من قلبي وكذا
وتركت الاقتبااسات وصرت اكتبه له من عندي , بس مو كل شيء اكتبه أحس فيه
بس برضو مو معناه إني مره ما أحمل له شيء في قلبي
بالعكس مره أعزه وأغليه , بس حبي له مو زي حبه لي 🙁
هو مره يحبني وكلامه يخليني أسكت وما أعرف أيش أقول , سواء بالرسايل أو اتصالات
اليوم تخيلوا اتصلت عليه والمكالمة كلها له , ما تكلمت إلا كلمتين
حسيت إني من جد مالي داعي أنا واتصالي , ماتكلمت ولا قلت شيء :/
وهو بعد أحيان مايعطيني فرصه بالكلام
كلامه كله عن مشاعره , أبيه يسولف معي وأعرف وش يحب وش يكره وكذا
أحس باكتئاب وأحس بضيق وطفش
أتمنى أوقات ننقطع عن بعض لو يومين ولا ثلاثة
أبي أجلس مع نفسي فترة , أحس إني مشتته من كل شيء ><
هل حالتي طبيعية؟ 🙁
وآسفه ع الإطالة وما أدري مكان الموضوع مناسب؟
إذا مو مناسب أنقلوه ولو إني أتمناه في هذا القسم
أنتظر مساعدتكم ()
