عالم البنات النسائي كل ما يخص المرأة العربية من ازياء وجمال والحياة الزوجية والمطبخ
هذي قصتي كتبتها باحد المنتديات ومالقيت الحل قلت الجأ لكم ياليت تساااعدوني
السلام عليكم..سجلت معكم بالمنتدى بعد ماحسيت ان محد قادر يفهمني..انا طالبه جامعيه عمري 20 سنه تعرفت على وحده من منتدى..وعرفت انها معاي بنفس الجامعه بالبدايه كنت متردده اقابلها حتى عطيتها معلومات خطا عن نفسي ووانا شفتها..تقولون ليش ماادري..يمكن كنت متخوفه لاني عرفتها بطريقة النت..وعقب بالمسنجر قالت لي اذا مامريتي علي خلاااص مابقعد اسولف معاج بالمسن<<هي موظفه..ومتزوجه من 4سنين بس ماالله رزقها باطفال..اقوولكم الصرااحه اني حبيت هالانساانه..ممكن تقولون اني مااصبر يوم الااكلمها وحتى هي كانت تبادلني هالشعور..حتى مره كنت متضاايقه منها ودقت علي بوقت متاخر تشوفني اذا بعدني متضاايقه منها او لا..وهي كانت تصيح لان كانت صايره له مشكله هي وزوجه..المهم هالانسانه ماتخش عني شي..حتى حسيت من كلامها انها مب مرتاحه مع زوجها وكنت لمااجي اقابلها بمكتبها كانت تتذمر..وتقوول لولا الوظيفه كان انا عند اهلي..المهم انها كااااااانت دووم تتصل فيني حتى باوقات متاخره مع انها متزوجه..وتدخل المسن بالليل وزوجه نايم بنفس الغرفه..المهم بعدهاا تغيرت وقالت لي نخفف مكالماتنا احسن بدال مالعلاقه تنقطع مره وحده..الصراحه ماقدرت على طلبها صرت اطرش لها مسجات وترد عادي بسوالف ومسجات الشعر تطنشها بعذر ان ماعندها..وكانت مسوويه عمليه بخصووص الحمل المتاخر اتصلت فيها وعقب دقت علي ومن بعدهاا خلاااص ادق عليها ماترد اطرش ماترد..وقعدت وتميت اتعذر اقوول اكيد مشغوله اكيد متضاايقه لانها تقول لي دايم انها متضايقه مب مني من غيري..ولين الحين وانا عاذرتها..بس عالاقل تواجهني ليش تسوي كذا؟؟انا قلت هالفتره هي مالها بارض احد يعاتبها ليش ماتصلتي وليش ماتردين اولا لانها ماتحب الاسلوب ثانيا..يمكن سالفة الحمل ماثره عليها..لكن انا شسووووووووووووووي تعبت وانا احط لها اعذاار…فكرة وخليت وحده تقرب لي تدق عليها على انها مغلطه بالرقم..ماردت بالبدايه قلت اكيد مشغووله..وعقبها ردت عليها لاوبصوووووووووت نفسيته اووكي..تضاايقت شلون ترد عالرقم الغريب وانا تتجاهل مكالماتي..صبرت 4ايام ماكنت بدق..بس ماقدرت وطرشت لها مسج طمنيني عنج..ماردت..وصارت تدخل بالاخلاااام وانا نايمه كله اتحلم اني ادورها مااحصلها..والحين متحلمه فيها انها مقابلتني بنفسيه زفتتتتتتتتت وكانت تقول لي نفسيتي زفت بس الحمدالله وكانت لابسه لبس حمل..وبس شافتني بنظره ورااحت..وقمت من النوم متضاايقه..مالي الاهالمنتدى ورحت اكتب مشكلتي الي احس انكم بتقولون انها عاديه..بس مش عاديه بالنسبه لي..لان الي حولي يقولون هديها نزلتي نفسج وانا اقول لااا مسستحيييييييييييل هي اكيد مشغووله اومتضاايقه..فماادري شسووي..
نسيت اقوولكم شي يمكن يساعدكم بحلي للمشكله..هو ان زوجها مره قال لها كثرت مسكاتج للجوال..ومره قال لها يكون انتي معجبه على اخر عمرج..للعلم انها ماكانت تبين مشاعرها لي..بالاحرى ماتعبر..بس كان يبين انها تحبني
…سبق ان طرحت مشكلتي مع صديقتي وكيف تغيرت والحين حابه انكم تساعدوني بذكركم ببعض النقاط..
انا متعرفهه عليها من احد المنتديات وقابلتها لانها بنفس دولتي..المهم بداية تعارفنا كانت تكلمني 24 ساعه مع انها متزوجه..وماعندها اطفال..الله مارزقها لين الحين..المهم ان فتره قالت خلينا نخفف عشان مايجي اليوم ونقطع بعض فيه..زوجها كان يقوللها خففي..انا قلت يمكن هالسبب الي خلاها تتغير..الحين ماصارت تدق خير شر..بس مااظلمها واقول ماتر على مسجاتي ترد بس نادرا اذا سئلتها عن شي واذا اتصلت وهي بمكان عملها ترد اما اذا كانت بالبيت بالناادر ترد..دايم تمر بظروف صحيه ونفسيه واكون جنبهاا..وهي ياما اسالها ليش متغيره تقول ماادري..ماتعطيني اجااابه صريحه..التقيت معاها من فتره بالعيد كانت تتصل تسال وينج…استغربت لانها تتصل وهي بالنادر ماتتصل..قابلتها عاتبتها مالقيت جوااب شاافي تكتفي بمادري لاتساليني مااعرف..حطتني بلوك ودليت بالمسنجر صبرت وسكت وعذرها كل الي معاي حذفتهم مالي خلق مسنجر..من فتره كانت تقول الايميل محذوف وانا كنت اعرف انها تقص علي بس قلت لالازم اتاكد..كلمتها بايميل ثاني ردت علي..انصدمت انها تكذب علي..عديتها وسكت..والحين وحده تقرب لها لما اسالها عنها تقوول انا قلت لج اذا ماردت على اتصالج طنشيهاا السالفه وااضحه وضوح الشمس اجي اسالها قولي لي فهميني تقوول مالي شغل فيج وفيهااا روحي ساليها انا مااعرف شي..انا اهنيه انصدمت حسيت في شي بيكون ضدي بس تميت افكر توووني قاعده معاها بالعيد وكانت تسولف وتضحك اللهم انها كله تقول ماادري ياترى كانت تسايرني كانت تكلمني مجرد تقضي وقتها يوم تتملل والاشنو بالضبط..تعبت وانا اواجهها واسالها ولاااحصل اجابه شافيه برايكم شسووي ابتعد عنهاا؟؟ صعبه والله لو يكون هذا الحل..ادري انها شووي قااسيه بمعاملتهااا بس بيني وبين نفسي اقول حرااام مب قصدها واتم اعذرها لين مااوصل حدي…انتظر مساعتكم
اكملكم سالفتي…اعترف اني ماقدرت اطنشها..للي تتبعوا قصتي اقولكم بعد ماكنت بنهي كل شي معاها وبناء على رايكم على شخصيتها قلت يمكن انتو صح بس صراحه مااقدرت لان صار لي موقف معاها واتصلت لها الموقف هو اني شفتها بممر شافتني وصارت نفس الواقفه المتردده تسلم او لا انا شفتها ورحت ماسلمت تضايقت واتصلتها وعاتبتها شوي قالت مالي بارض ارد على احد ولا لي مزاج للمسن ويمكن اكنسله بمعنى كل شي زهقانه منه قلت لو اعرف شفيج يمكن القى حل قالت الي اكبر منج ماحلوها هنا استغربت؟؟بس ماسالت ليش ماابي احشر نفسي..المهم حسيت فيها شي..قلت لها ياليت تتغيرين اه لو تروحين للعمره يمكن تتغيرين قالت يمكن وشدراج بعد يمكن اكنسل الجوال بعد..او يتغير الرقم انا مرررررررررضت يوم سمعت هالكلمه قلتت لاوالله ليش قالت نفترض احنا قلت ولو تغيرينه مابتعطيني قالت اكييييد اشكره وااضحه قلت لها شمعناته قال نفترض احنا ماقلت صج..قلت لها شدعوه ماتحسين ماتستاهلين الي اسوويه معاج قالت يمكن مااستاهل الي تسوينه معاي قلت انا لومكانج بقول استاهل عن نفسي قالت يسمى غرور قلت اذا واثقه اني ماقصرت بحق شخص فانا استاهل قالت ايه نعم انا مقصررره وانتي تستاهلين كل خير..وتمينا عادي نسولف وسكرت…
**اليوم مريتها**قعدت 6 ساعااااات معاها
بداية القعده تحسون مالها خلق::يمكن لانها صايمه مااقولكم ماتسولف لا اتسولف بس شكلها تبي تنام تقول مانامت عدل..سكت عااااااااادي لاحظوا كنت ابي افاتحها بنفس الموضوع ووجه لوجه واقولها انا ماحسيت بالذنب لين زوجج تكلم عن مكالماتج قبل وقالج خففي هذا الي حسسني ان تغيرج معاي انا بس..[س انصحوني غيركم اني ماافتح معاها شي لان كل مااعيد وازيد بالسالفه بتلووع جبدها وبتكره تقعد معااي..فاضطريت اسكت..تسولف شووي وشوي يها عالفاره تضغط عالكمبيوتر هنا الحركه نرفزتني يعني جايه وقاعده معاج وتلتهين بالكمبيوتر..وشوووووووووي ونسكت عذرتها قلت صاايمه البنت مالها بارض..قمت من عندها قال وين جات السياره قلت لا بس بشووف البنات يمكن يرسون ابي الحق عليهم قالت اوكي بس مب جايه تفطرين معاي قلت لا اخليج على راحتج قالت لاعادي ورجعت لها اشوووووى كانت احسن من قبل تسوولف وتضحك قلت يمكن لانها كانت صايمه بس قهر هم ماسكه الفاره تلعب لعبة الورقه قلت استحي انا قاعده معاج وانتي لاهيه قال لاوالله اسمعج والعب وقعدنا نسولف وقدرت اسحب الاسباب الي ابي اعرفها بطريقه غير مباشره..مثل كانت تقول فاتورتي كانت ترتفع وزوجي كان يقول الاحظ صرتي ترفعين الفاتوره قالت شسوي اكلم اهلي برى<<بدوله ثانيه..تقوول مايفتح ظرف الفاتوره يشيك عالارقام الي قت عليها بس يكتفي يشوف السعر مع انه مايدفعها هي الي تدفع<<<<<هنا تسالت هل هي قالت جي صاجه والامستحيه تقوول منعها من الجوال..تقوول يقول ياويلج لوترتفع ..حسيت يمكن هو مانعه..وتمينا نسولف..الاتقوول اخاااااااااف لااطلع من الشغل يطلعني زوجي قلت لاانشالله قالت جايز..هنا حسيت انها تعااااااني..بس تقول اذا قعدت بالبيت ملل وبتم احن على قلب زوجي ابي اطلع وهذا الي مخليه يخليني اداوم للحين لانه مايطلعني وعنده سلفيه مثل ماهو عنده فعشان جي هالمصبره على شغلها،،،
مدري حيت انها تعاني من حياتها حمدت ربي اني ماعدت وزدت بالسالفه،،،بس شنو قاهرني..غير حركة انها معاي وماسكه الكمبيوتر شووي قوويه بحقي احس متملله مني مع ان تسوولف عادي مدري هي قبل كانت جي بس يمكن انا صرت اتحسس وصرت ادقق على كل شي تسوويه،،الله اعلم
والمصيبه يوم رديت البيت ونمت فكري بس في القعده معاها شفتوا لاطولتوا عالنت شلون يصيدكم ادمان تذكرون شاشة الكمبيوتر انا جي اقوم اقعد اشوف قعدتي معاها انا من هالنوع ومعاها بالذات يعني قبل يوم كنت معاها بالمسن 24 ساعه انامم وفكري كله بالمسن والحين بعد اقوم واقعد رااسي مافيه الاالقعده معاها،،،،الصراحه خفت على نفسي ماادري الى اي درجه ووصلت
انتو الي تتبعوتوا القصه من قبل امثال شذى النجيع ورمز السكون وغيرهم..شراايكم شسووي..اتمنة مااكون طولت عليكم لاني كنت ابي اوصل لكم السالفه بالتفصيل بس اذا فصلتها مابنخلص لبكره اتمنى القصه وااضحه وحلكم يكون ووااضح
