عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
صباحكم ومسائكم كله خير بإذن الله
سؤالي هو …
ماذا استفدتي بعد ان اصبحتي مطلقه ؟؟
يعني شنهو الايجابيات اللي اكتسبتيها من ورا طلاقك؟؟
اتمنى الكل يشاركني في اول موضوع لي بها المنتدى
والمغزى من ها الموضوع ان نزرع في نفوسنا شي حسن
وتحسس كل وحده منا الثانيه بأننا ماخسرنا شي
بالعكس دعمنا حاجات حلوه كانت فينا
ببدأ بنفسي <<<< وخرووووو عنهااا
أولا / اصبت نظرتي للحياه تختلف عن اول
ليه احزن والله رزقني بأبرك من الزوج في احتوائه لي واللي هم امي وابوي 😆 🙂 <<< الله يخليهم لي
ثانيا / طيبتي مع اهله ما راحت عبث
صارو على طول معي ويزوروني ما اقطعوني ويتعنون لي من اماكن خارج منطقتي هذ الشيء حسسني اني شي عظيم 
يعني اللي يشوف اهله يعاملوني كذا بعد انفصالي من ولدهم يعرف ان الغلط مو مني
ثالثا / على الرغم من ان كان طبخي حلو <<< تمدح نفسها
الا اني صرت الحين ماهرة بالطبخ اكثر من اول
رابعا / صارت طموحاتي عاليه وما افكر بالدون ابد
ولله الحمد هذا انا احقق انجازات ما كنت اهتم فيها من قبل (حبت الدراسه اكثر عشان ابين للكل ان طلاقي عمره ما كان عائق في طريق دراستي ) بالعلم اني لاقيت صعوبه في اني اكمل دراستي
ما حبيت اطول عليكم اكثر
يلا همتكم بنات
انتظر ردودكم وتفاعلكم
