عالم البنات النسائي كل ما يخص المرأة العربية من ازياء وجمال والحياة الزوجية والمطبخ
هلا بالفراشات اليوم بقول لكم قصتي اللي مو لاقيه لها حل
انا بنت كويتيه عمري 23 من 4 سنين تقريبا تعرفت في النت على رجال سعودي عمره 30 سنه بالصدفه و بالبدايه تخانقنا عشان الايميل خطأ و بعدين تخانقنا عشان المذهب (انا شيعيه و هو سني ) و بعدين تفاهمنا و والله ما اعرف شلون صارت بينا علاقه حب قووووويه خصوصا هو رجال ملتزم و عاقل و مثقف لدرجه كبيره .. و انا حبيت شخصيته وايد و هو بادلني الشعور و دائما يطلب مني الزواج و انا كنت متردده عشان رده فعل اهلي لان متوقعه انهم ماراح يوافقون .و كان يقول لي دائما ماراح اتزوج غيرك لو وش يصير
و ظلينا مع بعض و علاقتنا تقوى يوم بعد يوم و كنا نرسم احلام للزواج و للسفر و حتى ديكور الغرف و الالوان اخترناه و حتى اسماء اولادنا اخترناهم ! و كنا نكلم بعض في النت و بعد سنتين كلمته في الهاتف و كان مؤدب جدا ولا سوى لي مشاكل و بعد 4 سنين من الحب تقدم لي رجال محترم و اخلاقه طيبه فأهلي مالقوا حجه لرفضي و حبيبي قال لي بيتقدم لي و منعته عشان اعرف شو الي بصير ..فتزوجه و كان زوجي مؤدب و طيب بس مو نفس الصفات الي تمنيتها يعني ما يحب يطلع ولا يهتم في لباسه و انا انيقه و ضعيف ماديا و مش مثقف ولا رومانسي و فوق كل هذا ما قدرت احبه والله احاول احبه قد ما اقدر و ارسل له بطاقات و هدايا و اسوي اجواء رومانسيه اقول يمكن تخلي علاقتنا اقوى بس للاسف والله ما احبه ؟
و تفكيري 24 في حبيبي و بعد 7 اشهر من زواجي ارسلت بطاقه معايده في العيد حق حبيبي من ايميل جديد ما يعرفه و تدرون شنو كان رده ؟؟ (( شكرا على البطاقه بس ما اعرف من انت و ياليت تكون اللي في بالي و اللي اول حرف من اسمه …)) و كان كاتب حرفي والله ظليت ابكي من قلب و اضفته في الماسنجر و ظلينا نسولف و نكلم بعض و كنت متوقعه ان تزوج بس لا ما تزوج و قال لي انا ما وعدتك ماراح اتزوج غيرك ؟ انا الوعد عندي شرف ما اتنازل عنه لو وش يصير . الحين انا في حيره من امري اموووت في حبيبي ولا قادره انساه و زوجي يكسر خاطري عشان يحبني وايد بس ما اقدر احبه والله على اقل شيء اصرخ و اعصب و احس اني ظالمتنه وايد
وووووووووووش اسوي يا بنات ؟؟
