ماساتي مع زوج المستقبل فيدوني يلي تزوجتو <<< عرووس حرزينه مررره

يسعد صبااااحكم / مساااائك صبااايا …..

صبايا انا حبيت انزل موضوعي هنا لانو ابي رايكم لانو لكم خبره بالزواج او على الاقل تقدرون تفيدوني …

شوفو ياحلوين انا زواجي بنهاية شهر 10 وانا متخووفه من حياتي بعدين خطيبي يابنااات خجووووووووووووول

مرررررررررررره ومايعرف سوالف البنات على قولة ( قطه مغمضه ) ماعنده اسلوووب ولا يعرف شي حتى سوالف اهله عني يعلمني يااها طبعا اهله يدقوون فيني من تحت لتحت بس هو مايفهم مغزى كلامهم المهم يابنات انا احس اني ماتحمل وانصدم مو مثل فترة الخطوبه اللي يقولون عنها الناس ولا خطيبها وش يسوي لها ,,,,!
حتى لما يقابلني واكون لابسه شي حلو مايعطيني رايه وكل مايجي اتكشخ كشخه غيررر عن المره اللي فاتت وماكانت عنده اي استجابه او ردة فعل وبالعيد الفطر اللي فات صبغة شعري احمر وسويت لوك مره غجري واروح لامي واختي واخواني يقولون لي حلوو ولما هو يجي يحطمني يقول لي انتي ليش مسويه كذا قلت له لووك جديد لازم اغير على العيد يقول لا خواااتي مايصبغون ولا يقصوون بس والله يابنات هم عائله منغلقه مره وكانو عايشين بقريه تحسوون افكاارهم قديمه واخر شي تحطمت احس اني مو قادره اتحمل منو هالاسلووب ولما كلمته انو احب اسمع رايه يقوول انا كل لبسك يعجبني ودايم ارووح اعلم خوااتي وش تسوين لي وانك تكشخين لي ……….! <<<< هنا تحطمت مرررررررررررررررررره
قلت يعني مو قادر يتكلم معاي ويروح يتكلم مع اخوته عني المهم …
قلت يلا ابحااول اغيره رحت وسويت له حفله
المهم انا كشخت المجلس وقاتوووهات وحلويات وهدايا وبقيت انتظر وانتظر وانتظر الين يجي طلع الاخ بالله صارت عليه نومه من جد عيوني حمرت ابي ابكى بس ماقدر اخرب شكلي لانو قال انو جااي وهديت نفسي الين ماجا تخيلو عاد خطيبك يقووم من النوم ويجيك وانتي مسويه له حفله قال …!
المهم انا كرهت نفسي والله يابنات ماله اي ردة فعل ولا يعطيك العافيه ولا شي قلت يلا يمكن انو من الرجال مايعرف يعبر بس هو حسسني اني مسويه شي غلط مررره حتى عيونه ماتبين انو مبسووط وماصدقت عدت المقابله على خير واروح ابكي عندامي واعلمها طبعا عارفين الامهات امي قالت يتغير ومدري وشو بعد مرووور كم يوم سالته عجبتك الحفله والهديه لانو حسيت انك ماكنت راضي عنها قال بالعكس انا طلعت من عندك مبسووووط مرررره ورحت علمت البنات (خواته ) انو سويتي لي حفله هنا انا طفح كيلي 😆 والله يابنات تعبت نفسيتي مرررررررررررره مافي اهتمام ولا كلمه حلوووه مافي فترة خطوبه مثل اللي اسمع عنها ومن هنا قررت اني اترك المكالمات والمقابلات ولا ارد عليه طبعا هو ماتعبني لانو اصلا ماتصل ولا سال 😛 بعدها يابنات اهله سوولي مشكله لانهم مايبوووني بس هو يبيني وكان ينتظرني 10 سنين ويعلمني بسوالف زماان كنت انا صغيره قبل لااتغطى وهو كان دايم يجي لانو اهله بقريه ويوم يحتاج شغل يجي عندنا وعشاان كذا بقى ينتظرني …..
بس انا تعبت هو مايقول لي كلام حلوووو بس يقول لاخوي لانو صاحبه يقول انو مايقدر يستغنى واخوي يجي يعلمني بنات انا مو قادره اتحمل صارت لي مشااكل مع اهله انا مالي دخل فيها واحس اني بدري اتعرض لمثل كذا وكانو ينقلووون له كلام اني مابيه طبعا سبب المشكله اخته لانو مرت اخوي بقينا يابنات اكثر من 7 شهووور مايكلمني مع انو كان يدااافع عني عند اهله ويقول لهم اني مالي دخل …
ابغاكم تقولون لي رايكم الرجال يتغيرون بعد الزواج للاحسن ولا للاسواء ؟؟؟ انا ادري انو يحبني وهو مو مصدق متى نتزوج بس انا مره متخوفه مااحس انو يفهمني ولا يبين لي انو يحبني حتى بالفعل لو الكلام عليه صعب كيف تمشووون حياتك لو زوجك مايقول لك كلام حلووو ؟؟ واذا علاقتك مو ولا بد مع اهله كيف تتصرفون ؟؟ تدروون الوحده بالفتره هذي متخوفه من اشياء معينه انا من كل شي منه ومن اهله ومن نفسي اخاف اني ماتحمل واخواني يقولون الرومنسيه تجي بعدين ومدري ايش ….! والله خايفه من حياتي بعدين معاه اخااف مايسعدني فيدوني يلي توكم تزووجتو عرااايس يعني …..