عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته..
كيف حالكم ياحلوات؟ زمااان ماشقرت عالمنتدى وقعدت قعدة حلوة عليه لاني انشغلت مرررررة
بالدوااام والطالبات وشغل الكلية..وانام متأخر ومايمديني ادخل المنتدى..
المهم بس حبيت احكيكم كم حكاية حصلتلي بسبب الاستغفار..;)
هي 3 مواقف بالتحديد…
الموقف الأول:
كنت لسا بايامي الاولى بالدوام ولازم الواحد من اول الايام اللي يتوظف يثبت نفسه ويكون على مواعيده
عشان لاياخذه عنه فكرة مو حلوة وكدا.. فانا كنت باوصل ماما معايا شغلها..والمشكلة ماما خرجت
متأخر من البيت فمعناته انا حأوصل شغلي متأخر.. 😆 🙄 ..
المهم وفعلا واحنا في السيارة أتأخرت وصاروا زميلاتي بالشغل يدقوا علي يقولوا الادارية تسأل عنك
..
عشان لاياخذه عنه فكرة مو حلوة وكدا.. فانا كنت باوصل ماما معايا شغلها..والمشكلة ماما خرجت
متأخر من البيت فمعناته انا حأوصل شغلي متأخر.. 😆 🙄 ..
المهم وفعلا واحنا في السيارة أتأخرت وصاروا زميلاتي بالشغل يدقوا علي يقولوا الادارية تسأل عنك
..
ووصلت ومحد قالي انتي فين حتى 💡 ..
الموقف الثاني:
رحنا السوق انا واخواني قبل اسبوع تقريبا..والسوق اللي رحناه مرررة يكون زحمة يوم الخميس ومانلاقي مكان نجلس عالطاولات عشان ناكل..المهم وقفنا كدا قدام مجموعة من الطاولات وقعدت اطالع في طاولتين قدامي ومسكت السبحة وجلست استغفر على انو ربنا يفضيلينا وحدة منهم..ورحت اكلم اللي قاعدين عليها بنتين ياحليلهم صغار وقالوا احنا مخلصين..وماعدت دقيقتين الا واحنا فوق وحدة من الطاولات اللي وانا استغفر كنت مقررة انو نجلس عليها.. 😈
الموقف الثالث والأروع:
خلال دا الاسبوع في الكلية حصل..
انا الوحيدة من الاستاذات اللي معايا مفتاح الحمام حق الاستاذات فهما يجوا ويطلبوه مني ويرجعولي هو..فقبل كم يوم وحدة من الاستاذات جاتني وطلبت مني مفتاح الحمام واديتها هو والمشكلة انو انا اعلق معاه مفتاح الدولاب اللي احط فيه اغراضي..المهم راحت الحمام ورجعت بدون المفتاح وقالتلي ضااااع ماني عارفة فين حطيته وانا اقولها دوري فين اخر مكان حطيتيه وصارت الاستاذة مرة قلقانة ومحرجة مني وزعلانة على انها ضيعته وبس تجيني وتتأسف وتغيب وتدور وترجع بدونه وانا سبحان الله ربنا وقتها اعطاني برود غير طبيعي وصرت اقلها خلاص خييرة من ربنا ومكتوب وامره قال له كن فيكون
وكملت شغلي عادي ولافكرت في المفتاح وقلت خليني استغفر ان شاءالله االاقي المفتاح..استغفرت بس كم مرة وبعدين مع الشغل انهمكت ونسيت اكمل..الا شوية وحدة استاذة تانية جابت مهندسة تكسر الدولاب عشان اخذ اغراضي وجات المهندسة تفك بالمفك وتكسر الا جاها اتصال وقالت شوية وارجعلكم..
سبحان الله مدري اش خلى الاستاذة اللي ضيعت المفتاح تدخل يدها بجيبها وتلقاه..
وجاتني وادتني المفتاح وما اضطرينا لكسر الدولاب 😆 idea:
انا الوحيدة من الاستاذات اللي معايا مفتاح الحمام حق الاستاذات فهما يجوا ويطلبوه مني ويرجعولي هو..فقبل كم يوم وحدة من الاستاذات جاتني وطلبت مني مفتاح الحمام واديتها هو والمشكلة انو انا اعلق معاه مفتاح الدولاب اللي احط فيه اغراضي..المهم راحت الحمام ورجعت بدون المفتاح وقالتلي ضااااع ماني عارفة فين حطيته وانا اقولها دوري فين اخر مكان حطيتيه وصارت الاستاذة مرة قلقانة ومحرجة مني وزعلانة على انها ضيعته وبس تجيني وتتأسف وتغيب وتدور وترجع بدونه وانا سبحان الله ربنا وقتها اعطاني برود غير طبيعي وصرت اقلها خلاص خييرة من ربنا ومكتوب وامره قال له كن فيكون
وكملت شغلي عادي ولافكرت في المفتاح وقلت خليني استغفر ان شاءالله االاقي المفتاح..استغفرت بس كم مرة وبعدين مع الشغل انهمكت ونسيت اكمل..الا شوية وحدة استاذة تانية جابت مهندسة تكسر الدولاب عشان اخذ اغراضي وجات المهندسة تفك بالمفك وتكسر الا جاها اتصال وقالت شوية وارجعلكم..
سبحان الله مدري اش خلى الاستاذة اللي ضيعت المفتاح تدخل يدها بجيبها وتلقاه..
وجاتني وادتني المفتاح وما اضطرينا لكسر الدولاب 😆 idea:
ومن هذي المواقف الثلاثة..صحيح دنيوية وتافهة..لكن أتأكدت وأيقنت انه الواحد لما يستغفر ويكون متيقن من قلبه 100% انو ربنا حيجبله الشيء اللي يبغاه ربنا حيديلو هو..
بس أحب أنبهكم على حاجة مهمة..
انا زمان كنت استغفر ومايحصلي مواقف وكدا لكن دحين غير..والسبب انه زمان لما استغفر..استغفر وانا مترددة انو ممكن الشيء مايصير..لكن دحين استغفر وانا متيقنة 100% وليس 99% انو حيصير..
وبس.. اتمنى تكونوا استفدتوا وهذي تجاربي انا مو من الخيال.. 😥
تحيااااتي لفراشاااتي حبيبااااتي.. 😛
