عالم البنات النسائي كل ما يخص المرأة العربية من ازياء وجمال والحياة الزوجية والمطبخ
اهلين يافراشات الحلوه
انا صح اني عضوه جديده معكم بس والله احس اني احبكم ومرتاحه لكم
اكيد في منكم متزوجات وامهات
ابغا اسالكم
هل في ام تكره اولادها؟
انا عمري 16 سنه وحيدة ماما وبابا ماعندي لاخوات ولا اخوان
انا مشكلتي اني ماما تكرهني انا بقولكم قصتي امكن تقولوا هذا مثل المسلسلات او الافلام
بس هذي هي حياتي انا اتمنى انكم تفهموني
انا من عايله معروفه وحمد لله غنيه ماما تكرهني ولاتحس فيني
ماما حياتها شغلها هي تشتغل ي البنك وصديقاتها ماما كل يوم حفله وسهر وطلعات مع صديقاتها
حتى بابا ماتهتم فيه تخيلوا اني مااشوف ماما احيانا يومين ارجع من المدرسه انام اقوم هي تكون راحت شغلها وترجع من شغلها وتطلع مع صديقاتها وترجع وانا اكون نايمه
وهي دايم تقولي انتي بنت ابوكي علشان بابا مره يحبني ويدلعني وانا احبه مره واقوله كل شي يضايقني بس في اشياء مااقدر اقولها لبابا وماما اذا جيت اسولف معها تعطيني فلوس تقول انتي مو ناقصك شي
انا صح مااحتاج فلوس وعندي كل شي تتمناه اي بنت بس انا محتاجه احس اني عندي ام تحبني وتحن علي
انا اذا شفت صديقاتي يوم يتكلموا عن امهاتهم انقهر واتمنى تخيلوا ماما حتى اذا في عندي بالمدرسه حفل امهات ماترضى تجي مع اني دايم اتكرم لاني اطلع من الاوائل تخيلوا يوم البنات يسئلوني ليش امك ماجات اتمنى اني امموت وماني موجوده بها الدنيا
والمشكله لاني انا شقيه واحب اضحك وامزح بس والله داخلي حزين ووحاولت كم مره اتكلم مع خالاتي يقولوا انتي لسه صغيره ومدلعه او يقولوا دايم المراهقات يقولوا كذا
ماما تكرهني مع اني انا احبها بس خايفه اني بيوم من الايام اكرهها وماودي يجي هاليوم
انا في اشياء مااقدر اقولها بس في اشياء غلط من ماما اشوفها ولاادري شلون اتصرف
ومدري لمين احكي
وصراحه انا بقولكم شي انا خايفه اني اصير بنت مو كويسه وانا مابي كذا انا والله كويسه بس خايفه اني اضيع لأن المجتمع اللي انا في صديقاتي طلعات وكل وحده تعرف لها واحد وعائلتنا كل واحد بحاله انا مدري وش اسوي لاني مابي اصير مثلهم ابد
انا اسفه يافراشات اني طولت عليكم
بس صدقوني ماعندي احد اشكيله اللي بداخلي
واتمنى تحسون فيني وتفهموني وماتقولولي انتي صغيره اومراهقه مثل خالاتي صح انا امكن صغيره بس انا لي احساس
واتمنى تقولولي وش اسوي
تحياتي
أحلى دلوعه
