عالم البنات النسائي كل ما يخص المرأة العربية من ازياء وجمال والحياة الزوجية والمطبخ
ماني بسآئل مع منهو تخونيني .!
بس بسألك من متى وإنتِ تخونيني ..؟
قبل أمس كله معي للصبح سهرآنه ،
والبآرحة أذكر أبآارقد ماتخليني ..!
واليوم أشوفك معه يدك وسط يده ..
وأمر قدْمك ولاكنك تشوفيني .!
،
وشلون ..؟
….. . . . أبفهم تعالي وإشرحي ليّه ،
نسيتي .!؟
. . . لامستحيل إنك نسيتيني..!
مآمدآك تنسين يمكنك تناسيتي ..
وأنا الذي كل ماضاقت ذكرتيني ،
العام جيتي ودمعك مغرقن جيبك
قلتِ : إخذني على صدرك وغطيني ،!
ماكنت أخذلك ليا منك طلبتيني ،
وأنا قبل ماأطلبك وإنتِ خذلتيني .!
في عز محتجتلك في ضيقة الدنيا ،
جيتك أبي فزعتك لكن طعنتيني .!
للحين أكذِب أنا ماصار قدامي ،
ماني بقادر أصدق لاتلوميني ..!
حتى الشعر والقصيد اللي على خبرك ،
أحس عقبك أبد ما عاد يعنيني ..!
كتبت فيك الوفا / والصدق/ والطيبه ،
قصايدِ للأسف بتطيح من عيني ،!
[ من غدر الايام جيتك كارهن نفسي ]
أول قصيدة بعد منتي عرفتيني..!
[ومحتاجلك حيل والله يقطع الحاجه]
آخر قصيدة بعد منتي تركتيني..!
عرفتي الفرق بين الشعر والشاعر ,!
بس ماعرفتي وش اللي مرثعن فيني ..
إحسآسي اللي ذبحني ورآح يذبحني ،
واللي يبي يقلب الدنيا على سنيني ،
النآس تسمع قصيدي فيك وتصفق ..!
وأنا أتذكرك يوم إنك تخونيني..
للعذب ، ثامرشبيب
أتمنى أن تروق لكم كما رآقت لي 
