عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم
بنتي عندها سنه و 3 شهور وابغى افطمها بس متعبتني. هي تحب تاكل اكل زينا بس ماتحب تستغنى عن الرضاعه الطبيعي. يعني حتى لو شبعانه لازم ترضع لها شويه عشان تنام. ومستحييييل تنام من غير ماترضع وتجلس تبكي وتبكي وماتسكت الى ان ارضعها وتنام. ومسكينه والله تحزني تجلس تبوسني تبغاني ارضعها وانا ماارضعها بس في الاخر شافت البوس مايجيب معايا فايده فصارت تعضني.
انا احط على صدري عصير ليمون لانها ماتحب الليمون لانه حامض. لما تيجي ترضع وتلاقي طعم الليمون تبكي بحرقه مرررة وصوتها يوصل للجيران
وفي الاخير اغسل صدري وارضعها عشان تسكت
تعبتني صراحه– وانا كمان ماابغى ارضعها في رمضان عشان بعطش مررره
احس ريقي ناشف
فاتمنى تعطوني طرق مجربه في افطام الاطفال. وكيف اتعامل مع بنتي لما توصل لهدي الحاله وتبكي بانهيار تبغى ترضع؟؟
وشكررررا لكم
