ما أحب خطيبي (أرجوكم ساعدوني) ..!

..

بنات الله يخليكم يآرب

ويجزاكم الف خير ..

ابغى منكم نصيحه تكفون .. تكون مرضيه لي ومقنعه شوي ..

أنا الوالد مايرضى لا بشوفه شرعيه.. ولاحتى بعد الملكه انو نلبس بعض ..

المهم :

انا ملكتي كانت قبل فتره وزواجي (بعد كم شهر مو بعيد يعني)

خطيبي إللي يعتبر زوجي خلاص لإنه ملّكنا ..!
.. المهم ارسلّي صورته .. وياليته ما أرسلها ؟؟

المشكله إني أنا بالنهايه ماهمني شكله (( بس هو زياده على كذا ماهو طويل.. (طوله تقريبآ 150 سم..)

هذا اللي متعبني ( إنو لاشكله مقبول ولا عنده ذاك الطول اللي يغطي مشكلة المظهر شوي )

مدري من ألوم ؟؟

ألوم نفسي والا أبوي ..

انا الحين ماأبغاااااه ..

تقولو ليش ما أستخرتي ..؟

إستخرت كثيير بس ماحسيت بشي !!

وهو مررررره طيب ويتصل فيني كل شوي ويقولي كلام حب وأنا مو راضيه أتقبل اي شي يقوله والله العظيم..

تكفون لاتلوموني بس هذا الشي صار حاجه نفسيه بالنسبه لي .. يعني انا مو راضيه اتقبله بالمره..؟

حكيت مع أهلي وطبعآ كلهم ضدي

وأمس قافله جوالي كلو عشان ما أرد عليه …….

صرفت من المهر 7 آلاف … وباقيلي امور كثيره بس مالي نفس اروح أتقضى واشوف اموري

بنات انا ماأبغى أجرحه وماني عارفه ايش اعمل..

هذي حيااه طويله ولازم أتحمل بعديين كل شي

طبعآ اهلي مره تعبوني بمسألة إنو إنتي بعدين.. راح يقولون عليكي الناس مطلقه
وزوجك حتى ما دخل عليكي

انا الحمدلله مافيني عيب .. مو غرور ؟؟ بس أنا نفسي بشخص تقريبآ شكله وطوله مقبولين ..(واي بنت تحلم بكذا) لاتقولو لا وتكذبو على نفسكم..؟

أمس كان يومي كله تعب وبٌكى ..