ما اتخيل ابوي يجي فباله ذا الموضوع

بنات انا من زمان وانا افكر اكتب هممي لكم
بس متردده مدري ليش

عشان كذا اتمنى ماتخيبون ضني بمساعدتكم لي 😀

انا الله يسلمكم من يوم ماطلعت على الدنيا واحنا ساكنين بالرياض
وخوالي وعماني كلهم بالقصيم

مافي الا خاله وعم بس الي بالرياض

المهم يوم كنت صغيره ( طبعا انا بكر اهلي )
داايم اززن على ابوي نبي ننقل للقصيم بس كان طبعا مافي امل لان شغله بالحرس الوطني وكان مافي الحرس بالقصيم

المهم كبرت ونسيت سالفة انو ابي ننقل وتمسكت بالرياض اكثر
حتى صرت اذا رحنا للقصيم بالاجازات اشتااق للرياض اشتاق لبيتنا

صح انو ماعدنا الا عمي وخالتي ونادر مانشوف عمي بس خالتي الي كل اربعاء نجتمع سوا

واحنا اذا رحنا للقصيم انا وامي واخواني نقعد فبيت خوالي
وابوي له جناح ببيت عمي

المهم جا يوم وابوي شرا ارض جنب بيت عمتي
وقال لنا انو يبغى يبني فيه بيت نجلس فيه اذا رحنا اجازه للقصيم بدل ماتقعدون عند خوالكم وانا عند اخوي
وبعدين اذا تقاعدت نسكن فيه

انا وامي ماقلنا شي يعني عادي الموضوع

حبيت اوضح معلومه ( ابوي كااان يكره يكره شي اسمه القصيم يعني حتى امه ابوه هناك بس مايطيق يروح لها )

ومع بدايت السنه هاذي جا ابوي قال لنا انو راح يفتح الحرس الوطني بالقصيم واني بنزل اسمي مع الي يبغون ينقلون

طبعا انا وامي صارت وجيهنا كذا 😆 hy: 😆 🙄 😐

شي غريب كيف ابوي يقول ذا الكلام مستحييييييييييييييل ابوي يفكر انه ينقل
قعدنا نناقشه انو مانبي خلاص تعودنا ع الرياض يعني مستحيل نتخيل نسكن بالقصيم يعني ع الاقل لو قايل لنا قبل بكم سنه ممكن نكون للحين ماتعلقنا بالرياض

حتى يعني بالرياض تعودنا ع حياتنا الخاصه وطلعتنا وكذا

يعني بالقصيم مافي خصوصيه اببببد
يعني احنا راح نكون بالبدائع والبدائع صغيره والله لو اقف عند الباب كلن عرف 🙂

يعني تعودنا ع خصوصيتنا
وزياده انو نصير جنب عمتي 😛

صح بالقصيم حياتك العامه راح تكون فله وكذا يعني خوالي وعماني كلهم فيه ويصير اجتماعات واشياء
وبرياض ماافي شي

بس من داخل نبي الرياض نبي حياتنا الي تعودنا عليها

حتى بالبدائع مافي اسواق حلوه القصيم بكبرها مافي الا النخيل بلازا الي مقبول اما الباقي مو حلوو اببد

وانا ما اتخيل اني اتخلى عن صديقاتي تخيلو السنه هاذي نقلو من شلتي 3 بنات تعبت نفسيتي مستحيل اقدر افارق احدهم

وتكلمنا انا وامي مع ابوي مره ثانيه وطلع خلص الموضوع ونزل اسمه مع الي يبغون ينقلون 💡

قعدت ابكي انا مابي ما اقدر اترك الرياض يعني خلاص مابقى الا الموافقه ابوي ينقل او لا بس هذا الي باقي

ويوم تكلمت مع ابوي رحمته يقول انا تعبت ابي أأمن مستقبلكم ابي تكونون عند اهلكم مابي اذا مت تقعدون لحالكم بس حتى ابوي مابي يفكر كذا هو لسى صغير بأول الاربعين صغيير يعني

انا قلت له ع الاقل ننقل بعد سنتين يعني تخرجت من الثانوي ع الاقل راح نفترق عن صديقاتي كل وحده راح تكون لها حياتها

انا والله لو يقولو النقل بعد سنتين مااعندي مااانع ابببببببد

بس خايفه والله خايفه ماني قادره استوعب كل يوم اذا جيت انام اقعد ابكي مابي ننقل

حتى ابوي خلاص قفل ع الفكره يعني لو نتكلم من اليوم الى بكرا ماراح يقتنع

ادري بنات راح تقلو طيب احنا وش دخلنا بالسالفه بس هي مجرد فضفضه

والي تقدر تساعدني ولا تدعي لنا انو مايجي النقل الا بعد سنتيت ع الاقل ماتنساني من دعائها

الله يخليكم بنات ادعوو لي

ممكن السالفه بنضركم سخيفه بس انا قد الجبل ع قلبي 💡

لاا تنسوني من دعائكم