ما احلل اي وحده تسرق فكرتي ليوم القيامه..

يا بنات حرام عليكم تقولو ما احلل للي تاخد فكرتي
طيب افرضي وحده تبغى افكار وما تقدر تتواصل معاكم او ما عندها فلوس او اي سبب من الاسباب
لاحظت كتير يكتبو دي الجمله مع الاسف
افرضو فرض تاني
افرضي انها شافت الفكره وعجبتها ورسخت في بالها وبعد فتتتتتتتتتتتتتره احتاجت شي وافتكرت الموديل وعملت زيه بدون ما تفتكر حكاية التحليل والتحريم بس تاخد ذنب عالفاضي؟
والله حرام وما يسير كدا 😎
ترضو انكم توقفو تتحاسبو يوم القيامه على شي تافه؟
في عز الحر والعذاب تنتظرو على حكاية صوره او فكره والله ما تسوى 😆 🙂
ولو مره حتموتي على بضاعتك حاولي انك تخفي مصادرك
مثلا في بنات يخفو اسم الشركة من الصور
في بنات يشيلو استيكر الشركه من البضاعه
وغيرها طرق كثيره
بس لا تجلسي تدعي عالناس والله ما سارت 😉
فكرو فيها وانشروها بينكم وقولوها للي تعرفوهم والله يوفق الجميع …