ما اقتنعت بكلام الدكتور

مرحبا يا حلوات كيفكم
انا رحت امس طعمت ولدي تطعيمة 9 شهور
ولما قسنا وزنه الدكتور قال وزنه اقل من الطبيعي اللي هو 10 كيلو وهو وزنه 8 كيلو 💡
وهو اصلا من اول ما بيزيد كثير يعني بمعدل كيلو كل 3 شهور 🙁
المهم اعطاه فيتامين فاتح للشهية وقلي غيري الحليب لسيميلاك غين… وهو اصلا حليبه بليميل بلس 2
هو الصراحة ماشي معاه ولا سببله مشاكل… اما سيملاك انا خايفة من كثر تجارب البنات يقولوا انه يسبب امساك مزمن.. غير كدا وحدة اعرفها برضه ولدها عنده دي المشكلة بسبب الحليب
ولما سالت الدكتور اذا يسبب امساك قلي اذا زدتي البودرة شوية يسبب امساك .. بس برضه ما اقتنعت
بنات مين تعرف حليب كويس يسمن الطفل بدون مشاكل.. فكرت ببروجرس جولد بس لما قرات محتوياته لقيت انه فيه سكروز وبليميل مافيه.. وما ابغى اعتمد عالسكر كثير كفاية السيرلاك والميلوبا
انا ااكله كويس ياكل باليوم 4 وجبات و 3 رضعات او 4 يعني ما احس شهيته مو كويسة
بس انقهرت ليش وزنه نازل عن الطبيعي 😆 hy:
الله يجزاكم الجنة ساعدوني
ولكم مني احلى تحية 😎