ما هو ( قهر عادي ) ولا صفقَة كفوف

ياللي [ خَذاكْ ] الغير من سِبَّة الظروف
من جَنبي البَارح مَعَ [ ماخذَكْ ] طِفت

لا تَحسِب إنِّك يُوم مرِّيت / ما أشوف
سوِّيت نَفسي مِن القَهَر / كِنِّي ما شِفت

المَسأله : مـا هـي تغلِّـي ولا خُوف
لولا غَلاتِك ؟ كَـان تلقاني مَا خفت !

أخاف يلمَح نظرِتـي وآنا : ملهوف
وإلا يِشـوف بنظرتك / كم : تحسفت !

تذكِر حبيبي .. لمَّـا أرسِم على الطوف :
حَرفك وحَرفي ومِن رسُومي / تأففت !

الكِل يِسأل : ( ليهـ ) مِن بِد الحروف
وياما [ براسِك ] مِن قَرايِب / تحلَّفت

ومَرَّه زَعَلت وقلت مِنْ ضِيقِتي : اوف
وإنِتَ بِكيت وجيت تَركِض / تأسفت

كِل الأغاني وخاصةً ” جُروج وسّوف “
لو نَويتْ تِنسى اللي فات
واللي كَانْ .. والذكْرَيَاتْ
وإنُّ غِيرِي خَدْ .. مكاني
وتِسْألني عَنْ حَالي ؟ أنا حالتي ( زفتْ )