عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
كيف حالكم بناااات؟؟
سويت هذا الموضوع عشان افييد بنات
كثييييييير
لاني من جد حاسه بمعاناتكم كنت زيكم
بس اتعلمت ما اقولك صرت خبيره
بس اعرف ازبط نفسي بشكل ناعم
وعلى عمري
الموضوع حيكون عن المبتدئات
في عالم الميك اب
حتكلم بكل شيء اعرفه
والي ما اعرفه اسأل لكم عنو
الخبيرات الي عندي ههههههه
نبدأ
بسم الله
اولا:
كريم الاساس
كثار بنات مايعرفو كيف
يختاروه عشان تختاري لازم تعرفي
لون بشرتك و نوعها
طيب عرفتي لونك ونوع بشرتك
ايش تسوي ؟؟
تختاري الكريم اما نفس لون بشرتك بالزبط
او افتح منك بدرجه بس
في ماركات كثيره للميك اب
بس انصحك كونك مبتدأ
بالدرج ستور >>الي في سنتربوينت
ثانيا:
البودرات
كمان تعرفي لون بشرتك و نوعها
اذ اخترتي كريم اساس افتح منك بدرجه تختاري
بودر زي لونك بالزبط لكن لو اخترتي كريم اساس
نفس لونك تختاري بودره افتح منك بدرجه
البودرات في انواع كثيييييره
في بودرة مع كريم اساس يعني بودرة واساس
بنفس الوقت
وفي بودرة فقط
احسن شيء المضغوطه لاتفكري تاخذي غيرها
ثالثا:
الاكحال بأنواعها
في اقلام وفي لاينر الي هوا السائل
اذ كنتي تحبي رسمة الكات لازم بالكحل السائل
لكن ماتعرفي تستخدمي او تلخبطي بالرسمه ايش تسوي ؟؟
تخلي الرسمه بنفسك لا ياقلبي اشتري جل لاينر
مع فرشه مشطوفه الي بزاويه
طيب لو تبغي ترسمي بقلم كحل عادي
في الوان كثييييييييره
ارسمي على منابت رموشك ولازم يكون الكحل مبري كويس وكريمي
رابعا:
الشادوهات ((الاضلال))
احسن شيء الطبيعي لا تفكري تحطي اصفر
برتقالي احمر …الخ
دايما حطي طبيعي زي البيج والذهبي
البني ودرجاتهم
طيب كيف لو بتحطي للجامعه او لخرجه بسيطه
يعني مو سهره كيف ؟؟
تستعملي فرشه لظل
وحطي لون واحد مثلا بيج وزعي بالفرشه على الجفن
كله بعدين جيبي مثلا لون جملي وادمجي بفرشة
الدمج بخيف حطي قليل قليل لاتكثري
وفي ظلال المناسبات والافراح صراحه ما أعرف في
شيء ابداا
انا اسوي الطبيعي والخفيف وكمان نادرا اذ كان فرح مره قريب لياااا
اما الافراح العاديه لا اسوي شيء بسيط ويبرز الملامح بس
خامساً:
البلشرات او احمر الخدود
برضو في انواع منها
كريمي ومنها بودره
كونك مبتدأ اكتفي باثنين مشمشي
و زهري
احس يليق مع أي ميك اب سواء لليل او للصباح
سادساً:
الارواج والقلوسات
ارواج كثيره انواعها في روج ومرطب وحمايه من الشمس بنفس الوقت يعني 3 بواحد
وفي ترطيب و لون
وفي لون
وفي مات يعني بدون لمعه يكون مطفي
وفي قليتر الي بلمعه
وفي ارواج تكون زي القلوس يعني تحسيها مائيه >>احس شرحي بيوديكم …!!
ههههههههههههه
اما القلوسات مالها انواع كثيره في بقليتر وفي بدون
طبعا لا ننسى قبل مانحط أي روج او قلوس نقشر شفايفنا ونرطبهم كويس
بكذا اكون اعطيتك فكره كامله عن الميك اب
طبعا ما خلص الموضوع هههههههههه
حيكون في شرح اكثثثر وكلام اكثر الله يعينكم عليا
للماركات و مقارنات بين الاشياء
واذ حابين تسألو عن شيء
ونتعلم كيف نحط الميك اب
اشياء كثيييييييييره
بس اهم شيء شيء أي فديو احطه
بلييييييييييييييييييييز بنات الصوت ابدا لاتشغلي
لانو اغلبهم موسيقى فماله داعي
زي مابفيدكم لاتضروني بذنوبكم
حبيباتي أي سؤال أي استفسار
حجاوب ان شاء الله بالي اعرفه
وارجع واقول انا مو خبيره و كوفيرا
مجرد فتاه عشقت عالم الميك اب وتعلمت بس
ويلا اشوفكم على خيييييييير
