عالم البنات النسائي كل ما يخص المرأة العربية من ازياء وجمال والحياة الزوجية والمطبخ
🙁
موضوع متجدد حول الخلطات والأشياء اللي ممكن تفيدنا وماتضرنا بإذن الله..
الموضوع قابل للنقاش والإستفسارات وكل فترة أفضى فيها راح أحط خلطات مجربة وأي شيء ممكن يفيد في هالموضوع بس ^^
إذا عندكم استفسارات أواقتراحات أو أفكار جديدة حابين نطرحها ياليت تراسلوني 
أول خلطة راح أحطها لكن يافراشات خلطة هندية أخذتها من موقع طبيب هندي زمان …بصراحة ماطولت في تجربتها يمكن مرة وغير كذا ماحطيت كل المكونات…نتائجها رهيبة ورائعة اذا استمريتي عليها بحذافيرها ان شاءالله
للطول…والكثافة وانبات الشعر….وتعطي لمعان واضح …بإختصار تحيي الشعر الميت بإذن الله
المكونات ممكن تكون غريبة على بعض البنات, لكن ممكن تسألين العطارين أو في السوبر ماركت
المطلوب واضح من الصور
زيت جوز هند نقي 1كلجم ( راح احط طريقة صنعه في رد جديد عن قريب ان شاءالله) وممكن تستخدمين الجاهز بس ترا مو نفس نتائج اللي انتي تصنعينه
زيت زيتون طبيعي ربع كوب
زيت لوز ربع كوب
حبوب حلبة 50 جم وليست مطحونة
كمون حب ملعقة متوسطة ( ملعقة شاي)
بودرة الأملا ملعقتين متوسطتين ( ملعقة شاي)
أوراق الكاري حزمة واحدة كبيرة
ليمون بن زهير الصغير الأخضر ^-^ حبة وحدة واخزقيها بالسكين خزقتين أو ثلاث ..لاتقطعينها
15 وردة كركديه الأبيض تشيلين السيقان وتغسلينه
5 ورد الكركديه الأحمر بعد تشيلين سيقانه وتغسلينه
جذع صبارة وحدة تشيلين الشوك وتغسلينها وتقشرينها وتطلعين اللي داخله وتقطعينه صغير
الطريقة
نصب زيت جوز الهند في قدر ونغليه وبعدين نحط كل المكونات ماعدا زيت الزيتون ونتركها تغلي لين يصير لونها غامق ويطلع الزيت يعني فترة 45 دقيقة الى ساعة
يصير شكله زي اللي بالصورة
نصفيه ونتركه يبرد وبعدين نصب فوقه زيت الزيتون …ونبدأ نستخدمه بعد مضي يوم أو عادي على طول
هذا شكلها النهائي 
نفس طريقة استخدامك للزيت العادي….تدفينه وتبدين تدلكين فروة شعرك الين الجذور بهذا الزيت السحري وتخلينه من 15 إلى 25 دقيقة 
أي استفسار حاضرة للفراشات
انتظروا جديدنا ان شاءالله
الموضوع محلل للي تنقله لكن اذكروا انه حصري لمنتدى الفراشة حفظا للحقوق 
