متضايقة والله يفرجها ..لاتطلعوا الا لين اسمع رايكم

اعطوني رايكم بصراحة لاني ماحزعل ..

بحكيلكم القصة ..

انا طبعا متطلقة من زوجي وجالسة ببيت اهلي لي سنه وثلاث شهور…
المهم اخويا اللي اصغر مني تزوج من فترة له سنه ..تقريبا ..كان يعرفها من قبل الزواج ..مو هنا المشكله المشكلة ان زوجته صح طيبه وبنت حلال بس عيبها يابنات انها ماتحب تجلس مع اهلنا وضيوفنا اذا جاء عندنا احد حتى لو خرجنا وجلست معنا تجلس على اعصابها ولين نرجع تقول ماعجبوني معارفكم والله ..
واذا جاء عندنا احد تطلع بالغصب نغصبها عشان تسلم وترجع الغرفة مرة ثانيه عذرها انها تستحي من الغربه اييش رايكم بالله .. واذا راحت عند اهلها وعندهم ناس غرب تضحك وتبسط وكأن الدنيا مو واسعتها ..الله يشهد اني ماقلت كلمة كذب عليها ..المهم اخر رة جاء عندنا ضيوف من خارج المنطقة اللي احنا فيها وهم اهلنا ..عماتنا.جابها اخويا عشان تسلم عليهم والله يابنات اول ماجات سلمت وهي مكشرة ودخلت المطبخ وحلفت يمين ماتطلع اطلعي اطلعي تقول انا مو لابسة ..المشكلة كذابها لابسة ومتشيكة بس لانها زعلانه هي واخويا عشان ليش جابها تسلم عليهم وهي ماتبغى ..طبعا كالعاده بالقوة طلعناها ..وجلست وهي مكشرة وبوزهاممدود اثنين …حتى قهوة ماشربتها ولا حتى حلت ..والله يابنات لين تروح عند عماتها او اهلها او صديقاتها وجوهم ناس غرب يعني ماتعرفهم ورب المصحف ماتستحي ابد وتضحك ولاكان احد موجود ..
بس معانا غير ليش الله واعلم ..المهم تعبنا من شوفنا لأمي المسكينه وهي متكدرة بس ماتشتكي هذا طبع امي ..قلت لامي بكلمها تعدل اسلوبها مع ضيوفنا واهلنا لان عيب اللي تسويه قالت امي لا خليها ..
قلت اجل بكلم اخويا يعلمها كيف تصير تتعامل مع اهلنا ..حلفتني مااقولها حلفت يمين اني والله لأكلمها اللين متى نسكت ومانتكلم وننذل قدام الناس منها ..اتصلت عليها ثلاث ايام ماترد ..لاليل ولانهار ..
المهم ارسلت لها رساله كتبت لها فيها اني بكلمك عن اللي سويتيه قدام اهلنا ..عيب اللي سويتيه والله ومو اول مرة تسوي كذا كم مرة تسويها ..وقدام اهلك ماتستحي وضيوف اهلك ماتستحي منهم ..
هذي المرة كلمتك المرة الثانية بكلم اخوي على اللي تسويه ..وكتبت لها كمان لاتقولي لاخويا اني كتبت لك عشان مايسويلك مشكله …
المهم اخويا قرا الرساله وجاء معصب مني وقوم الدينا لللاخر وقال هي ماتعرف تواجه الناس اصبروا عليها ((مرتين بغيت اقوله ولما كانت تطلع مع شباب ومعاك ماتستحي ) بس سكت لازيد المشاكل يابنات حتى مع اخواني ماتستحي كلهم كبار تضحك وتتمرقع قدامهم وتكلمهم كمان هذا كله بالله وتستحي ..
المهم اخويا يقول انتي نصحتيها بالرساله ماقلنا شي بس ليش تهددديها تقوليلها المرة هذي كلمتك المرة الثانيه اكلم اخويا ..ليش تستصغريها ..والله يابنات اني ماقصدت استصغرها ورب من انزل القران بس هي ماتحسب لنا حساب بس تحسب لاخويا لانها تخاف منه طبعا وهي جالسة جنبه تبكي وتقول انا مو متعوده على الناس ورب المصحف كذابه قامت امي وقفت معاها وقالت لي كلمة جرحتني والله يابنات ((قالت البيت بيتي والبنت في بيتي وماسوتلي حاجة ..لما تدس لك على طرف تكلمي ))ايش رايكم بكلمة امي وقامت تقول لاخويا هي عجوليه دايم تستعجل الامور ..قصدها انا قمت انا زعقت طبعي عصبيه وحرقتني الكلمه اللي قالتها ليا قمت سلمت على زوجة اخويا وقلت لها اسفة عالرساله واوعدك ماادخل مرة ثانيه وسلمت على اخويا قال اجلسي ماكملت كلامي قلت له الكلام الى هنا وانتهى تكفي كلمت امي ليا عادت امي وقالت انتي عجوليه قلت لها انا مو عجوليه وخلي مرة ولدك تنفعك نفخ فيني اخويا وكان بيضربني وولدي في يدي يقول لاترفعي صوتك على امي وهو نيته في الضرب عشان ليش ارسلت لزوجته ..
انا للحين زعلانه من امي ومااكلمها من كلمتها لين قالت لي ان البيت بيتي والبنت ماسوت لي شي لين تدوس على طرف لك تدخلي )) بالله ايش رايكم
امس ابويا يقول ليش زعلانه خلاص انتهى الامر قلت له ماانتهى وكلمة امي تحرق لو كنت ادري انها ماتبغاني في بيتها كنت اختصرت الموضوع وجلست في بيتي وعذاب زوجي ولا رحت المحكمه وطلبت طلاق وخلعت نفسي من زوجي .. كان جلست على عذابه ارحم من عذاب الكلام اللي يجيني منكم ..
وربي صرت خلاص في نيتي لو رجع زوجي يردني ورب من انزلالقران اني لارجع ..باقي شهر واسبوعين وتنتهي عدتي