عالم البنات النسائي كل ما يخص المرأة العربية من ازياء وجمال والحياة الزوجية والمطبخ
مرحبا اخواتي …….بغيت ابدا قصتي ان شاء الله انها مو مشكله وهي مقلقتني بعض الشي
انا مملكه بالعشر الاواخر من رمضان وبدينا مكالمات انا وخطيبي اي زوجي
تعارفنا فيها على بعض طباعنا وجهات النظر اتفقنا على كثير شغلات
رسمنا حياتنا كيف حبينا بعض مووووووووووووووووت
كنا نكلم 9 ساعات متواصله
يكلمني ويروح مواصل للدوام وطبعا بينا مسجات على مدااار اليوم ويزعل لما تاخر بالمسج عليه ……
المهم هو انسان عسل وحبني وحبيته والحمدالله ارتحت له حييييييل
مع اني اخذته بدون اقتناع ضغط من الوالده والاخوان لانه كان اصغر مني بسنتين
كنت متحسسه من هذي النقطه بس الحمدالله الله كتب لنا نصيب بعض ؟؟؟
الحين مكالمتنا اغلبها شووووووووووووووق وحب ونفسه اني اقدم العرس
لان العرس كان بالصيف بس صارت عندنا وفاه فطلبت منه ياجله بأ يام العزاء وقال اللي تبينه يصير
الحين الوفاه صار لها شهرين ونص ويحاول فيني ان العرس يضل بتحديدنا
الاول اي بالصيف انا مابي وامي نفستها تعبانه ومازال يقنعني ؟
فكل ليله سوالفنا معدوده ومتكرره ويقول سولفي علي وانا نادرا
مااتكلم هو اللي يسولف اكثر انا احس مافي مواضيع كل شي تكلمنا فيها
طبعا كل ليله يكلم بس خفت المكالمات صلرت 3 ساعات الى 2 ساعتين
قبل يومين قلت له شرايك نخفف مكالمات قال ليش.؟؟؟؟؟ مليتي مني وماعاد لك خلقي
قلت لا عشان نتشتااق لبعض اكثر قال انا مشتاق لك كل ليله وكل وقت وحسيته تضايق …
فما ودي ازعلة واخسره لانه حبني موووووووووووت
وانا احس ملل ونفس السوالف كل ليله ,,,,,,,,,,,,
انصحوني يابنات شنو اسوي معاه بدون مازعله واجرحه؟؟؟
