عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
طبعا أنا من زمان معاكم وأشارك بس قلت لازم تعرفون بطاقتي الشخصيه بما انا احنا صرنا خوات في الله
أنا مـعـتـقـه من الكويت عمري بالثلاثينيات … سميت نفسي مـعـتـقـه تيمنا بدهن العود الـمـعـتـق ..
انا عـتـقـت في بيت أهلي هههههههه .. ولوعت جبدهم .. ويبون الفكه مني ..الله يعينهم
ندخل بالـجـد ..
انا خواتي 3 كلهم متزوجات بعمر امبجر ماشاءالله .. بس انا بروحي في البيت والوحده صعبه 😆
أمي من النوع اللي يطلع بكثره .. وأحس بوحده وقدمت على وظيفه وطلع اسمي بوزاره مو كلش ورفضت
والحين السالفه مطووووله …
أنا يوني ناس بمراهقتي يخطبوني وطبعا أهلي رفضوا بحكم العمر .. بعدين يوني كذا مره بالعشرينات بس
سبحان الله ماتتم ..
رقيت نفسي وقمت أشوف أحلام وبلاوي .. الله لايوريكم .. ونصحوني مشايخ بالرقيه .. والله يعين أحاول والله
أنا راضيه بحالي دام الله كاتبه لي .. لكن مرات أتألم من حجي وتعليقات … خاصه بالمناسبات..وهم قمت انحرج من أهلي لأن اللي ايون يشوفون يروحون مايردون مع ان بعضهم يكونون طالعين تقريبا متفقين
الناس الله يهديهم أضحك بوييهم واتبوسم ..وهـم لااازم لاااازم يسمعوني طنازه ولا كلمه مني ومناك ..
بس الله يسامحهم … اهما مايدرون انهم يتطنزون على قسمة ربي …
أمي حيل تعبانه من تأخر زواجي .. وتسمع حجي يجرح من الحريم والمشكله تقوله لي ههههههه..
أنا مو من النوع اللي ما يبين حزنه وضيقه .. فهالشي متعبني .. مرات ابجي بغرفتي وادعي لنفسي…والله يعين
انا احب اليهال واايد .. ومرات بعض الحريم لما اطالع عيالهم يسمون عليهم قبالي 
والله اني اسمي عليهم بقلبي وبصوت عالي .. بس الله يسامحهم 💡
آسفه طولت عليكم .. بس انا حبيتكم واااايد احسكم خواتي واحنا ستر وغطا لبعض .. قلت مايصير دايم
نفضفض لبعض وما يعرفوني عدل … فعرفتكم عن نفسي شوي 
أتمنى ايي اليوم اللي أفرح فيكم فيه … وانتوا ان شاءالله هم تفرحون فيني .. أنا متأكده من هالشي
يارب يااارب احنا راااضيات باللي كتبته لنا … وفي انتظاااار فرجك …
أحبكم في الله 
