عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
كيف حالكم أخواتي انادايم اتابعكم ويشهدالله اني ادعيلكم معايا بالستر والزوج الصالح
أحس محد يحس بحالي الا أنتم الله يفرج عننا في القريب العاجل
كم مره اسمع انو في ناس بيخطبوني بس مايسير شي
وأخر مره جو ناس وخطبوني وماتدرون قد ايش فرحت والدنيا مو سايعتني
وفرحت أكثر لمن الشوفة سارت بس بعد الشوفه بيوم اتصلو واعتذرو
حمدت الله وقلت اكيد ذا الامر سار لحكمه انا اجهلها وربي يعلمها
وسرت ادعي ربي انو يعوضني خير
الحمدلله انا مداومه على اذكار الصباح والمساء وصلاة الضحى والوتر
وسمعت كمان أنو من الناس اللي ربي مايرد دعوتهم الذاكرين الله كثيرا والذاكرات
وقبل يومين بديت بشي. جديد اني اصحي اخر الليل وبعد صلاة الوتر استغفر100
عشان ان شاءالله ربي يكتبني من المستغفرين بالاسحار واحس براحه الحمدلله
وعندي امل وثقة بربي انو بيعوضني خير
وافكر اني ارقي نفسي واسمع للرقيه بنات اللي تعرف رقيه ممتازه تقلي اسمها ربي يسعدكم
وبس=) حبيت اسولف معاكم وافضفض شويا
يارب بكرا وحده تبشرنا بملكتها ان شاءالله3>
